حمو بيكا: الطيارة فاتتني ومعرفتش أطلع من مطار امستردام علشان مش متعلم
سرد المطرب الشعبي حمو بيكا موقف تعرض له بسبب عدم استكماله تعليمه قائلا " كنت فى امستردام عندي حفلة وبعدين راحت عليا الطيارة علشان أنا مش متعلم ومعرفتش أقرأ ولا أكتب حاجة وزعلت من نفسي أوي".
وتابع فى مداخلة هاتفية مع الإعلامية ياسمين عز ،" اضحك عليا كتير فى فلوس علشان مش بعرف أقرأ ولا أكتب.. وبدور على مدرسة علشان أتعلم".
وعلق مطرب المهرجانات حمو بيكا على استمرار أزمته نقابة الموسيقيين قائلا" سبت مصر وعايش في دبي علشان أعرف اشتغل مصر وحشتني بس مش عارف اشتغل".
وكان حمو بيكا قد وجه رسالة لطلاب الثانوية العامة قائلا " و انا اه مش متعلم و اخدت ( محو الأمية ) بالعافية لكن ده مش حاجه تفرح ولا تقول ( عندك بيكا اهو مش متعلم بس ناجح ) ، صدقوني و الله طعم النجاح مع العلم مختلف تماماً عن طعم النجاح من غير علم ،العلم بيفرق في كل حاجه في الدنيا ، كمية معاناه بشوفها يومياً بسبب اني مش متعلم كبيرة اوي مش بتمني حد منكم يشوفها أو يتعرض لها ، العلم بيستر كتير اوي و بيخليك واعي و متفتح في كل مجالات الحياة.
وتابع حمو بيكا ،" هو اه الشارع علمني كتير ، بس مش زي المدارس و الجامعات ، حتي لو مش هتشتغل بشهادتك و حتي لو دخلت كلية مش بتحبها ، بس يكفي انك متعلم و معاك شهادة تقدر تسد بيها عين الشمس ..اتعلموا و خلوا بالكم من تعليمكم و شهداتكم لأنها هتفرق كتير اوي معاكوا و مع عيالكم بعد كده..انا اه مادخلتش مدارس و ماتعلمتش ، بس حابب كل اللي حواليا ناجح و متعلم و اوعي يوم تقول اهو فلان ناجح بس مش متعلم".
