محامي الطالب المتهم بسب راشفورد: دفاع اللاعب أقام دعوة جديدة بعد حفظ الأولى
أكد المستشار سيد سلامة محامي الطالب المتهم بسب راشفورد لاعب نادي مانشستر يونايتيد الإنجليزي عبر موقع التواصل الاجتماعي، أن القضية التي اتهم فيها الطالب بسب اللاعب حفظت من قبل جهات التحقيق في وقت سابق.
وأضاف "سلامة"؛ خلال حوار خاص لـ"مصر تايمز"، أن محامي اللاعب الإنجليزي أقاموا جنحة مباشرة أخرى؛ بعد حفظ النيابة للدعوة الأولى لعد كفاية الأدلة، مشيرا إلى أن حالة من الدهشة والتعجب انتابت الجميع حيال تلك الدعوة.
وأوضح أن محكمة أبوحماد قالت بعدم الاختصاص للدعوة وأحيلت إلى المحكمة الاقتصادية بالمنصورة، مشيرا إلى أن أولى جلسات الدعوة الجديد 16/6 الماضي وتم تأجيلها لتحضير المذكرات الختامية.
وكان قد رد الطالب "محمد عصام" المتهم بسب وقذف لاعب كرة القدم، ماركوس راشفورد، مهاجم فريق مانشستر يونايتد الإنجليزي على تطورات الدعوى القضائية التي رفعها ضده بأنه وصفه بكلمات عنصرية صريحة تحمل في معناها قصد الإساءة إلى شخصه والتنمر عليه من خلال حساباته الإلكترونية عبر مواقع التواصل الاجتماعي.
وقال الطالب "محمد عصام" في منشور عبر حسابه على موقع التواصل الاجتماعي "فيسبوك" : " أنا ماتكلمتش في موضوع اللاعب ماركوس راشفورد ده نهائي لسبب واحد، وأنا المتهم في القضية طبعا بس خلونا نتكلم بقى، أولا كده الناس بتتعامل مع الموضوع علي انه أنت فين وماركوس راشفورد فين، بُعد مسافات وبُعد مكانة بينك وبينه، لكن أحب أقولكم وبكل أمانة وصدق من خالص قلبي، أنا وماركوس راشفورد أمام طاولة القانون سواء ودي حاجة بجد أنا تشرفت بيها من كل قلبي، ثانيًا جاتلي دعوة سب وقذف على ماركوس راشفورد".
وتابع: "روحت النيابة والنيابة قالت إيه بقى؟ شوف العدالة في القانون المصري بجد، قالت بعد عمل فحص فني للأكونت، اتضح إن الأكونت ده أكونت محمد عصام، طيب تمام فين العبارات اللي شتمك بيها؟ مش موجودة نصًا والورق تحت، وبعد إجراء الفحص الفني ثبت ملكية الحسابات لمحمد عصام، لكن تم حذف العبارات والصور الضوئية، اللي هي الاسكرينات يعني اللي جابها المحامين، العبارات اللي مش موجودة أصلاً جات على مسئوليتهم الشخصية يعني في حالة البراءة إن شاء الله، صدقني بجد مش هسيب حد في حاله، ولا هسيب حقي لاني بمتحن وزمايلي عارفين والحوار بقاله سنتين أهو، وطبعا عارفين كم الضغط النفسي من حاجة زي دي".
وأشار الطالب في منشوره عبر موقع التواصل الاجتماعي "فيسبوك" إلى أن النيابة العامة قررت حفظ المحضر وإلغاء الشبهة: " النيابة العامة قررت حفظ المحضر وإلغاء الشبهة لسبب وهو إن العبارات دي مش موجودة وملكيتي للأكونت لا تجزم إني مرتكب الجريمة، أنت ممكن مفبرك إسكرينات لأكونت بنفس شكل أكونتي، ثالثًا البحث الجنائي لم يتوصل لحقيقة الواقعة، رابعًا لم يُذكر اسم المجني عليه أصلا في العبارات، خامسا وده الأهم إني تواصلت مع ماركوس راشفورد عن طريق ناس في بريطانيا، وقالوا إنه ميعرفش حاجة عن القضية، ولا يُدير حسابه الشخصي لكن في شركة راعية ماسكة الأكونتات بتاعته، وطبعا كله عايز تعويض من طالب دكتور بقى، وأهله هيدفعوا وهيخافوا على مستقبله".
