الجيران أصابوا شقيقتها بعاهة وبتروا يد أخيها.. عفاف تستغيث: مش عارفين ندخل بيتنا (فيديو)

في إحدى قرى مركز مطوبس بمحافظة كفرالشيخ، تتعرض "عفاف" بشكل مستمر إلى مضايقات وتعديات عديدة عليها وعلى إخوتها، نظرًا لطمع بعض الجيران في الشقة السكنية التي يسكنوا بداخلها، فقاموا بطعنها في ساقها، وبتر إصبع أخيها وكسر ذراع أختها، حتى يغادروا الشقة السكنية ويفوزوا بها بعد التعدي عليهم.

وروت "عفاف" لكاميرا "مصر تايمز" خلال البث المباشر تفاصيل الواقعة.

تفاصيل الواقعة

وقالت "عفاف" وهي باكية خلال البث المباشر: "جيراننا عايزين ياخدوا البيت مننا بالعافية، وضربوا أختي بخشبة في دراعها واتكسر وعملولها عاهة مستديمة، وأخويا جيه يزورنا قطعوا صباعه، وضربوني بالسكينة في رجلي وواخدة 7 غرز، وانا دلوقتي قاعدة عند جيراني ومش عارفة اقعد في بيتي من التهديدات اللي بتجيلي، ومن فترة بعتوا لإبني رسالة قالوله لو أمك دخلت بيتها هنقطعها ونضربها بالسكاكين، وكل يوم بيجيلنا تهديدات، وقبل كدة وقعوني في الشارع وداسوا برجليهم على بطني وجالي فقرات بسبب الوقعة دي".

واستغاثت السيدة بالمسؤولين خلال البث المباشر لمساعدتها قائلة: " بطلب من المسؤولين يساعدوني، أنا طالبة حمايتكوا كل اللي عايزاه بيت أعيش فيه أنا وأختي في أمان، أنا مش عارفة أعيش، أنا عايشة في خطر،و أنا ست غلبانة وجوزي ميت وماليش حد، أنا مش عارفة أدخل بيتي وأعيش مرتاحة زي الناس، احنا عايشين مع بلطجية".