شيكابالا يشكر مرتضى منصور بعد منحه عضوية نادي الزمالك
تحدث محمود عبد الرازق شيكابالا قائد الفريق الأول لكرة القدم بنادي الزمالك، حول منح مرتضى منصور عضوية للاعبي الفريق.
وقال في فيديو سجله بجانب مرتضى منصور: " بنشكر المستشار مرتضى إنه منحنا عضوية الزمالك، وده شرف كبير لينا إننا نبقى أعضاء في النادي وبنشكرك على الدعم وإن شاء الله ماتش الأهلي يبقى بداية لينا ونفضل في تقدم دايما".
وأضاف: "الفترة الجاية إن شاء الله هنبذل أقصى جهدنا عشان نسعد جماهير الزمالك، ونحقق كل البطولات، والبداية كانت من مباراة الأهلي، ودايما المستشار مرتضى واقف في ضهرنا وبيدعمنا".
مرتضى منصور: النتيجة الطبيعية أن الزمالك يفوز على الأهلي 4 أو5.. ولن نترك حق شيكابالا
وقال مرتضى منصور في فيديو سجله مع شيكابالا وأمير مرتضى:" بشكر لاعيبة الزمالك المحترمين على الاداء والروح الرياضية العالية، وقدمنا مستوى مميز في ظل الغيابات الكثيرة بسبب الإصابات".
وأضاف: " كلامي لسمير عثمان لو متعدلتش هعدلك، أحنا ما صدقنا أن ربنا هداك وبعدت عننا، أتكلم بضمير وأنسى انتمائك".
وأكمل" سيد عبد الحفيظ قعد وسكت لما شاف الجمهور محترم وملتزم، هما بيحتاجوه في الهيصة بس، وعشان يثير الجماهير".
واردف:" في واحد بلطجي أسمه عمرو، ومتصور مع الخطيب، من ساعت ماتش السوبر في الإمارات وهو بيشتم وبيتطاول على شيكابالا، وأنا كلمت كل أجهزة الدولة وقدمنا بلاغات ضد هذا الشخص".
وزاد: " الشخص دا مش أول مرة يقل أدبه، شتم شيكابالا وعبد الله جمعة وحازم إمام قبل كدا، وشتم أحمد مرتضى من قلب الملعب في الامارات، لازم يتجاب ويتحاسب وعايزين نعرف مين اللي حاميه".
وأختتم قائلاً: "أحنا سعداء مش عشان أتعادلنا مع الأهلي أحنا سعداء، لأن أداءنا كان مميز خلال المباراة والنتيجة الطبيعية أننا نفوز 4 أو 5، وسعداء بفيريرا وتغييراته اللي قلبت المباراة، وخاصة نزول شيكابالا اللي غير اللقاء".
تغريم مرتضي منصور 10 ألاف جنيه بقضية سب سيدة النادي النهري وشقيقتها
قررت محكمة شمال الجيزة، اليوم الثلاثاء، تغريم المستشار مرتضي منصور، رئيس نادي الزمالك، 10 ألاف جنيه في قضية سب سيدة النادي النهري وشقيقتها و15 ألف للقذف في حقهما وقبول استئناف مرتضي منصور .
وكانت قد أقامت سيدتان 3 دعاوى حملت رقم 12872، و24790، و24791 ضد مرتضى منصور تتهمانه بالتطاول عليهما، بعدما قال إنهما تتعاطيان الحشيش داخل النادي، ووجه لهما السباب والشتائم أثناء وجودهما بالنادي النهري، فيما قالت المجني عليهما إن إحداهما كانت تدخن سجائر.
