أسرة المتهم بالتعدي على صاحب معرض سيارات: كان بيدافع عن نفسه وخد 60 غرزة في ظهره (فيديو)
اشتبك مجموعة من أبناء عمومة بمحافظة كفر الشيخ مع شاب يدعى "محمد محمود سعد" ، وأصيب على إثرها أحد أصحاب معارض السيارات بمحافظة كفر الشيخ ودخل العناية المركزة، وأصيب بـ 60 غرزة في ظهره وتم القبض عليه نظرًا لإتهامه بالتعدي على مالك معرض السيارات، وأجرى "مصر تايمز" بثًا مباشرًا مع أسرة المتهم ليروون تفاصيل الواقعة.
وقال "سعد محمود سعد" شقيق المتهم لكاميرا "مصر تايمز": صاحب المعرض مفيش معاه اي مشكلة مع اخويا المشكلة كلها مع محمود احمد محمد الملا، وده صاحب تاكسي وكانت حصلت مشكلة قبل كدة بينهم في رمضان وفي محضر بيثبت الكلام ده، واخدوا اخلاء سبيل واتصالحوا، والاسبوع اللي فات اتربصوا لأخويا وضربوه وفتحوا ظهره، واخويا لما كان في طريقه للمستشفى عشان تلحقه، جريوا وراه وقطعوا عليه الطريق تاني"، وتابع: " انا بطلب من ربنا انه يشفي الحاج سعد الملا ويخرج اخويا بالسلامة".
وانهالت والدة المتهم بالبكاء قائلة: " رزق ولاد ابني اتقطع من يوم ما اتحبس، هو باب رزقهم الوحيد، منك لله يا محمود اتربصت لإبني".
وقال والد المتهم وهو ينهار بالبكاء: " لو خدوني حبسوني بدل ابني وموتوني انا موافق، ابني وراه عيال عايز يربيهم لكن أنا مش مشكلة، وهو ضرب الراجل علشان اتعدوا عليه بدل المرة تلاتة، وابني عمره ما اتعدى على حد ابني في حاله طول عمره"، وتابع قائلاً: "انا بدعي ان ربنا يشفي الراجل اللي في العناية المركزة، وربنا يخرج ابني من السجن بالسلامة، انا قلبي بيتقطع ومابنامش بالليل".
وقالت زوجة المتهم لكاميرا "مصر تايمز" وهي منهارة بالبكاء: " أنا بدعي ربنا يشفي الراجل اللي في العناية المركزة علشان خاطر جوزي وعيالي الغلابة، احنا مالناش غيره".
تفاصيل الواقعة
ويذكر، أنه أصيب شاب في نهاية العقد الثالث من عمره بكسر مضاعف في الجمجمة ونزيف داخلي وحالته الصحية سيئة تم وضعه داخل عناية المخ بمستشفي كفرالشيخ العام.
كانت مستشفي كفر الشيخ العام إستقبلت شخص يدعي سعد إبراهيم ربيع الملأ مواليد 1983وصاحب معرض سيارات وأب لطفلين أحدهما ف المرحلة الإعدادية والآخري في المرحلة الابتدائية وحالته العامة سيئة لإصابته بكسر مضاعف في الجمجمة وكذا إصابته بنزيف حاد في المخ تم إخطار قسم أول.
إنتقلت قوة من مباحث قسم أول كفرالشيخ بقيادة العميد أسامه عبدالفتاح مأمور القسم والعقيد فتحي ابو ريا نائب المأمور والرائد أحمد الحجار رئيس مباحث القسم لمكان المستشفي وبسؤال أقاربه عن سبب الإصابة.
أقروا أنه عند عودته من محل أسماك بمدينة كفرالشيخ لاحظ خناقه بين سائقي تأكس أراد المجني عليه تهدئة الخلاف القائم بينهم وفض النزاع قام أحد الأطراف بضرب المجني عليه بعصا كانت بحوزته علي رأسه تسببت إصابة المجني عليه بالاصابة المبينة في التقرير الطبي الوارد من المستشفى.
تم تحرير محضر بالواقعة وبالعرض علي النيابة العامة والتي انتقل فريق من هيئة النيابة العامة لمكان المجني عليه للوقوف علي إصابته وللاطلاع علي مدي الإصابة.
