وائل عبد العزيز عن إختفاء أمال ماهر: الناس بتبني قصة من خيالهم"
علق وائل عبد العزيز، شقيق الفنانة ياسمين عبد العزيز، على ظهور الفنانة آمال ماهر بعد فترة من غيابها، موجها رسالة للجمهور.
وائل عبد العزيز عن إختفاء أمال ماهر: الناس بتبني قصة من خيالهم"
وكتب عبد العزيز، في منشور عبر حسابه الرسمي على موقع التواصل الاجتماعي “فيس بوك”،الناس عايزا تبني قصه من خيالهم وتعيش فيها وتصدقها ويفرضوا عليك تصدقها زايهم ولو قولت عكس كده تبقي كداب ويزعلوا ان قصتهم انتهت".
وتابع: "الست طلع واحد من المقربين قال في الساحل ونزلت هي حتي صوره .. قالوا لا مخطوفه ونزلت فيديو قالت انا بخير الحمد لله وشكرا لجمهوري معلش كان عندي كرونا .. قالولك مفبرك وخاطفها ومبتاكلش وبيعزبها".
واستكمل حديثه:" بشوفها قسما بالله من زمان ويمكن من سنين وبتتمرن في نفس المكان لكن علاقتنا ازيك ازيك واخبارك ايه وكده ..قولت بشوفها بس بقالها فتره صغيره مجتش قالك كداب وعميل".
وأضاف:"ناس تقريبا من كتر الكتابه علي الكي بورد بقيت عايشه في دور السيناريست عملت قصه ولازم تكمل بالخطف والتعذيب ثم مش لاقينها وشغل اثاره واختفاء ويطلع واحد يقول انها ماتت بعد الشر فا الناس تفرح ان القصه انتهت".
اختتم كلامه:" المهم الكلام ده كله انا لسه شايفه امبارح والله فعلا مش مركز فيه قالك مقولتش ليه من اسبوع .. مكناش عيشنا الوهم وبنينا قصه وكده ؛ زي ما تكون الناس محتاجه اي شيء تنشغل بيه عن نفسهم وحياتهم الشخصيه ... لا حول ولا قوة الا بالله.. ربنا يهدي".
