صفوت غطاس: سمير صبري صديقي40 سنة وعمره ما قالي إنه عند ولاد
قال المنتج صفوت غطاس أن سمير صبرى صديقه من 40 سنة، مضيفا: "لفينا العالم مع بعض وعمره ماقالى إنه عنده ولاد ولا سألته ولا قاللى كنت متجوز ولا لأ، وسألوه فى لقاء قال أنا متجوز أجنبية واعتقد إن الكلام ده مش مظبوط وسافرنا لندن مع بعض أكثر من 10 مرات وعمره ما قالى هشوف ابنى فأعتقد إن الكلام ده مش مظبوط".
وأضاف خلال لقائه ببرنامج بالخط العريض مع الإعلامية إيمان أبو طالب المذاع على قناة الحياة: "سميرة أحمد ومحمود يس كانوا متفاهمين وعمره ما أتكلم على اسمه فى التتر على الإطلاق وكان شايف غنه عادى اسم سميرة ينزل قبل منه، ولم تصادفن أى مشكلة فى الأسماء وحصلى فى مسلسلات مع ممثلين مش نجوم".
وكان عيد نور الدين، مساعد الفنان الراحل سمير صبري، قد كشف تفاصيل الساعات الأخيرة فى حياة الفنان الراحل قائلا ،" طلب مني أن أعطيه علاجه، وبعد إعطائه له طلب منه أن يغير له على جرح في جسده".
وتابع خلال برنامج بالخط العريض مع الإعلامية إيمان أبو طالب، "طلب منه أن يحضر له نظارته الطبية والقرآن الكريم، ومكث فترة لتلاوة القرآن في تمام الساعة 3.30 فجرا وحتى الساعة 4 فجرا، ثم طلب منه أن يساعده في الوضوء من أجل أداء صلاة الفجر، «بعد ما خلص صلاة طلب مني أسيب الدنيا منوره ومقفلش النور، وهو قاعد على السرير وبعد ما كان بيقرى القرآن اتكلم معايا وطلب مني أفتحله التلفزيون».
وتابع: "لما الساعة جت 7 الصبح طلب مني أعمله يانسون وبعديها ريح شوية، وفي تمام الساعة 10 لقيته وهو نايم اتجه ناحيه القبلة وهزيته لقيته مش بيتحرك وطلبت دكتور محدش جه، وبعدين طلبت الأمن وقولتلهم هاتوا دكتور حالا وكان ساعتها توفي".
