شريف منير يقاطع ابنته "أسما" (اعرف التفاصيل)
ألغى الفنان شريف منير، متابعة صفحة ابنته “أسما” على موقع التواصل الاجتماعي “انستجرام”، كما قامت ابنته بنفس التصرف وألغت متابعة أبيها، وهو ما أثار فضول الجمهور على السوشيال ميديا، مرجحين وجود مشاكل وخلافات بينهما.
وقال البعض أن سبب أزمات شريف منير مع ابنته خلال الفترة الماضية، عدم رضائه عن تصرفاتها وماتقوم به في حياتها.
أسما شريف منير
شاركت أسما شريف منير متابعيها عبر صفحتها على "إنستجرام" نصائح تربوية، من كيفية تربية الأطفال على الاستقلال منذ الصغر من خلال أشياء بسيطة مثل تركهم لاختيار الملابس التي تعبر عن شخصياتهم، وتقوم أسما بمشاركة متابعيها مواقف وتجارب مع بنتها لارا تساهم في مساعدة الأمهات على تربية أطفالهم.
كتبت أسما: "من اول ما لارا ابتدت تتفاعل حتي قبل ما تتكلم و انا بخليها تنقي لبسها بنفسها حتي لو شكله كارثة زمان كانت ممكن تنزل لابسه حاجات توجع العين علي بعض احمر علي اخضر علي برؤرؤ الصبح، بس كانت بتكون مبسوطة و مع الوقت اختياراتها بقت لذيذة و شبه شخصيتها، كنت عايزها ميفرقش معاها رأي الناس و ما تبقاش إمعة و برضه كنت عايزها تتعلم تاخد قراراتها بنفسها و تكون وثقه فيها و قدها…
ديماً بتبتدي بالحاجات الصغيرة دي علي فكرة، كلنا و احنا صغيرين اهالينا كانه بيلبسونا علي مزاجهم، انا فاكره اني كتير مكنتش بحب لبسي و امي الله يرحمها تقولي لا ازاي ده حلو جداً هو انا يعني هلبسك حاجة وحشة و بصراحة كانت بتبقي وحشة اوي يا امي سامحيني و ده خلاني فترة كبيرة في حياتي مش عارفة اصلاً انا ستايلي اي و بحب البس ايه؟ ..
بس مع لارا قادرة المس ان حاجة بسيطة زي دي فارقة في شخصيتها و قدام هيفرق في طريقة ازاي ممكن تاخد قرارخلوا ولادكم يكون عندهم حق الاختيار في الحاجات الصغيرة زي اللبس و الأكل ،لأن حقيقي بتفرق في شخصيتهم".
يذكر أن صدر العام الماضي أول كتاب لأسما شريف منير يحمل اسم "طلقني" الصادر عن دار الوطن للنشر والتوزيع، والذي تحكي فيه تجربتها مع الطلاق، كما يشار إلى إن شاركت في تقديم موسمين من برنامج "أنا وبنتي" مع والدها النجم شريف منير،يدور البرنامج حول الفرق بين الأجيال.
