رحمة حسن عن حالتها الصحية بعد عضة الكلب: أخدت آخر حقنة ليا
كشفت الفنانة رحمة حسن عن حالتها الصحية بعد أن تعرضت من قبل لعضة من كلب في منطقة حساسة أثناء سيرها فى الشارع.
وعلقت رحمة حسن على موقع تبادل الصور والفيديوهات إنستجرام قائلة«للأسف إحنا عملنا اللي علينا ومحصلش أي جديد بخصوص الكلب، وكل شوية تأجيل تأجيل بداية بأن مفيش مكان عاوز يقبل الكلب لأن سنه أربع سنين ونصف لحد إن شاء الله بعد العيد نبقي نجيبله بس لسه مش عارفين أمتى ».
وأضافت رحمة حسن «أنا حبيت بس أشارك معاكم اللي حصل، إمبارح كانت آخر حقنة ليا وطبعا بكون بعدها تعبانة لمدة يومين ومن أسبوعين فاتوا بعد الحقنة الرابعة دخلت المستشفى بالليل لأني كنت تعبانة جدا بعدها».
وعبرت الفنانة رحمة حسن عن خوفها الشديد من النزول إلى الشارع أو اللعب مع قطتها، بعد تعرضها لعضة كلب أثناء سيرها في الشارع.
وكتبت رحمة عبر حسابها الرسمي بموقع "انستجرام"، "أنا حقيقي تعبانة و متازمة جدا .. و كوابيس و مش عارفة حتي اقرب من القطة بتاعتي و العب معاها لاني خايفة عليها لحد ما اخلاص العلاج".
وتابعت: "النهاردة اخدت الجرعة التانية و لسه هكمل طبعا ده غير وجع الجرح حقيقي .. اللي عوزة اقوله ان فعلا لو بعد شهر ما حصلش حاجه تخص الكلب و علاجه و تغير سلوكة و عدم نزوله بدون كمامة .انا هروح اخد موقف قانوني لاني فعلا تعبانة جسديا و نفسيا جدا جدا و خايفة جدا يحصل ده لحد تاني و اكون انا السبب اني ماخدتش موقف".
