بعد قرار حبسه.. رد فعل عنيف لزوجة الساخر من إذاعة القرآن الكريم
الأحد 15/نوفمبر/2020 - 04:18 م
نشرت أسماء عماد زوجة محمد أشرف الشاب الذي سخر من إذاعة القرآن الكريم، بوست عبر حسابها الرسمي على موقع التواصل الاجتماعي "فيس بوك"، تعليقاً على حبس زوجها 4 أيام على ذمة التحقيقات على خلفية اتهام ازدراء الدين الإسلامي زالسخرية من مقدمي إذاعة القرآن الكريم.
وقالت في التدوينة:" محمد أشرف جوزي محبوس من يوم الخميس اللي فات عشان هزر على طريقة إلقاء مذيعين إذاعة!".
وتابعت :" اتوجهت له تُهم كثير عشان هزار كل واحد فينا بيقوله وبيقول أكثر منه كمان.. واللي شتموا الأديان وسبوا الرسول خرجوا إمبارح وهو كمل حبس 15 يوم".
واستكملت حديثها قائلة :" "سهل عليكوا قوي تقولوا أحسن يستاهل ونطالب بسجنه وإعدامه وأنت قاعد في بيتك وسط أهلك بس ربنا مايخليك تشوف قهرة الحبس ظُلم ووجع أهلك ومراتك وأصحابك وهما واقفين بالساعات مستنيين بس يلمحوك عشان يتطمنوا عليك".
واختتمت الكلام:" سهل عليك تطالب ليه بأقصى عقوبة عشان قلد شوية مذيعين بشر مش أنبياء لكن صعب عليك طبعًا تحس بالظلم والقهر، عشان أنتم ماتعرفوش يعني إيه إنسانية ربنا هيقف معانا وأنتم قريب قوي هتحسوا بنفس الوجع والظلم ده".
