انهيار والدة ضحية الغدر بالقليوبية: منهم لله يتموا ابنه اللي لسه في اللفة (فيديو)
قام "محمد" إبن محافظة القليوبية، بالدفاع عن شاب، حيث كان هناك مجموعة من الشباب يعتدون عليه بالضرب المبرح، فحاول إنقاذه، ولكنه راح ضحية الشهامة، وأصيب بطلق ناري في الرئة والقلب، وتوفى متأثرًا بجراحه، وأجرى "مصر تايمز" بثًا مباشرًا مع والدة "محمد" ضحية الغدر لتروي تفاصيل الواقعة.
انهيار والدة محمد ضحية الغدر بالقليوبية: منهم لله يتموا ابنه اللي لسه في اللفة وعايزه حقه عشان نار قلبي تبرد
وقالت والدة المجني عليه لكاميرا "مصر تايمز": " إبني كان في فرح، وفي ناس اتخانقوا مع واحد غريب، إبني قالهم ماينفعش تتخانقوا يا شباب مع واحد غريب، وأخده وحاول يهربه، وجيه على البيت علشان يخبيه، بس البيت كان فاضي، وضربوا إبني بالنار علشان شهم وبيدافع عن الناس."
وتابعت الأم: "لما رجعت البيت عرفت ان ابني في المستشفى وروحت وشوفت ابني وهو ميت في المستشفى، وأنا إبني هادي ومابيعملش حاجة في حد، واحنا في حالنا دايما وبيتنا مفتوح للكل، الغريب قبل القريب، وابني مش بتاع مشاكل، أي حد يقصده في خدمة بينفذها وعمره في حياته ما اتخانق مع حد."
وأوضحت عمة المجني عليه أن القرية بأكملها حزينة على موت الشاب "محمد" نظرًا لشهامته ومساعدته للجميع: " البلد كلها حزينة عليه علشان هو شاب محترم"
