"اتعاملت معانا بطريقة غير أدمية".. أول تعليق من "ميكب ارتست" المحلة على واقعة العروسة
شهدت الساعات الماضية حالة من الجدل الشديد والغضب بين رواد مواقع التواصل الاجتماعي بشأن واقعة الميكب ارتست التى قامت بإزالة مكياج عروس وإجبارها على غسل وجهها قبل ساعات قليلة من خطوبتها ، وذلك بسبب عدم قدرة العروسة على دفع تكاليف ميكاج الخطوبة.
"اتعاملت معانا بطريقة غير أدمية".. أول تعليق من "ميكب ارتست" المحلة على واقعة العروسة
حيث كانت البداية عندما ذهبت آلاء فتاة إلى ميكب ارتست في المحلة واتفقت معها علي ميكب سوارية وليس خطوبة ، وعندما علمت الميكب ارتست أنها خطوبة أصرت على اخد الف جنيه كاملة فى حين أن الفتاة أخبرتها أنها ليس معها ما يكفي، فقامت باجبارها على غسل وجهها .
ردت الميكب ارتست فى منشور عبر صفحتها الشخصية على موقع التواصل الاجتماعي، وقالت "توضيحًا للناس اللي مشافتش الموقف كله وبعدها مفيش أي كلام في الموضوع هيتقال، أولًا دي جاية تحجز إمبارح الساعة 9 قبل ما نقفل، والسكرتيرة قالتلها حضرتك إحنا عندنا زحمة بكرة إيه مأخرك في الحجز كدا؟ أنتي خطوبة ولا سواريه؟ فعلا عشان الموضوع ده بيعمل مشكلة عندنا، غير إن لو قالت إنها خطوبة مكانش اتحجزلها عشان مدام نورا قفلت حجز اليوم على عرايسنا عشان محدش بيعمل خطوبات غيرها " .
وأضافت “أنا على آخر لحظة مكنتش هروح الفرح، بس أعمل إيه دي صاحبتي ولازم أحضر فرحها، وبناء عليه اتحجزلها سواريه من العادي كمان مش سواريه عالي، اتفاجئنا بمامتها داخلة من أول السنتر بصوت عالي هي فين العروسة اللي اسمها كذا، ردينا عليها حضرتك معندناش عروسة بالاسم ده، طبعا عاملت مامتها بمنتهى قلة الذوق عشان كشفتها قدامنا، وبناء عليه أخدنا والدتها برة عشان اتكسفت من طريقتها ونفهمها الموقف والست كانت متفهمة جدًا، وإن على الأقل التعديلات بتاعت الميك أب لازم تليق عشان تتعمل، حتى تليق على الفستان اللي باين عليه إنه مش بتاع واحدة مش مقتدرة، غير إن الطرحة والاكسسورات اتلبست قبل الفستان اللي برضه اتفاجئنا بيه في آخر لحظة وطول اليوم كانت لابسة أسود لبس خروج مش فستان”.
وأضافت، السكرتيرة بلغتنا كأصحاب مكان وكان ردنا مفيش أي مشكلة العروسة هتستنى معانا نص ساعة بالظبط هنظبطلها حاجات في الميك أب والطرحة والفينش النهائي عشان دي مش سواريه دي عروسة في الأول والآخر ده في وشنا، وبناء عليه هيبقى في فرق بسيط في الحساب ولو كان من الأول موضوع مقدرتها ولا لا، الموضوع كان هيختلف احنا الحمدلله بنعمل لله كتير في شغلنا، المهم اتفاجئنا بطريقة مش لطيفة من العروسة وقالت أنا لا هغير حاجة ولا هتصور، مع إن قبل الموضوع ما يتكشف كانت موافقة جداً على التصوير وطريقة أقل ما يقال عنها إنها لا تليق بينا كأصحاب مكان.
واكملت، "ناهيكم عن المعاملة اللي اتعاملتها للبنات وخصوصوا البنت اللي كانت بتعمل ليها المكياج، فجأة كده شغلنا اللي كانت طايرة بيه بقا أوفر ووحش، وبناء عليه ردينالها فلوسها وطلبنا نمسح الشغل اللي مش عاجبها واللي كانت طايرة بيه لا كان فى زفة جات ولا جى معياد خروجها، احنا اللى افتكرنا انى مامتها جاية بالزفة".
