رد ناري من أحمد موسى على منتقدي مشروعات الدولة و"حياة كريمة"

رد الإعلامي أحمد موسى، على كل من ينتقد الدولة المصرية والحديث عن مشروعات المبادرة الرئاسية حياة كريمة، قائلا:« سنوات عشنا على نمط استهلاك معين البلد اللى كانت بتزرع بدأت تستورد سنوات ده كان في الصعيد وبحري واللى كان عنده حتى أرض كان بيزرعها كل مساحات الأرض اللى كانت خضراء انهاردة اللي عنده حتة أرض هيبناها أو يأجرها مستني الإيجار وخالص الناس مبقتش زي الأول اللي كله في الغيط ومبقاش في مساحات الأراضي بتاعتنا اللي تم تدميرها في العشوائيات كمان تم صرف مبالغ كبيرة في  مشروعات حياة كريمة مشروع داخل على 800 مليار في حياة كريمة الدولة شغالة عليه جدا وبتغير حياة الناس جدا وحاجة محصلتش قبل كده.

 مفيش مشكلة يطلع واحد يقول رأيه بس متقولش حاجة بتوقع بيها البلد وتعمل بلبلة

وأضاف موسى، خلال برنامج "على مسؤوليتي"، المذاع على قناة "صدى البلد": " الباشا اللي شغال نقد في كل شيء ومفيش حاجة بتعجبه في البلد له نظيره موجود في أمريكا على فكرة معنديش مشكلة يطلع واحد يقول رأيه بس متقولش حاجة بتوقع بيها البلد وتعمل بلبلة ومعلومات غير دقيقة أو مش قائمة على أسس صحية لو عندك معلومة حقيقة قولها معندكش أو في شوية مشاكل مع بعض البشر تيجي انهاردة وتتكلم على حياة كريمة تطلع  تقول للناس فلوسه منين وبتكلم على بعض الخبراء قول الدولة إزاى بتعمل ده في الظروف الصعبة وإزاي بتغير حياة  60 مليون بحافظ على أكلها العيش اللي لسه بـ 5صاغ في 71 مليون بطاقة تموين لـ 62 مليون بياخدوعيش إزاى اطلع قول للناس حاجة صحية على الأرض قولهم الدولة عملت ازوى كده 62 مليون مواطن العيش تمن الرغيف 5 صاغ العشرين بجنيه رغم وصل تكلفته على الدولة 80 قرشا وما زلت بـ 5 ساغ".

وتابع موسى: ما تقول كده إيه حكاية البلد دي وقدرتها أنها تحافظ على ده بإمكانيات محدودة وإرادات محدودة محدود جدا بتستلف علشان توفر احتياجاتك ننفق 2.2 تريليون وكل إيراداتنا 1.5 تريليون الفرق هستلفه علشان مفيش بند أقرب منه لا مرتبات ولا عيش ولا دعم ولا تموين ودوا ولا علاج ناس ولا ومعاشات وكل ده رغم ظروفك الصعبة يا أخي اطلع قولهم البلد عاملة إزاي عندك المعلومات إزاي الدولة انهاردة توفر للناس".