بعد هجوم الجماهير.. مراد مكرم يحذف منشور "البقاء لله مفيهاش تعزية"
حذف الفنان مراد مكرم بوست كان نشره على صفحته الخاصة ليعبر فيه عن إستيائه من تردد جملة البقاء لله أثناء التعزية، وأنها لا تقال لأهالي المتوفي، وأن البقاء لله من المسلمات.
بعد هجوم الجماهير.. مراد مكرم يحذف منشور "البقاء لله مفيهاش تعزية"
ونشر مراد مكرم على موقع التواصل الإجتماعي “الفيسبوك” قائلاً:" بناء علي طلب بعض الاصدقاء الي بقدرهم ،شيلت بوست التعزيه و الشكر ،لسه احنا مش جاهزين نناقش هذه الامور.خلينا في الحاجات السهله".
منشور مراد مكرم
كان المنشور الذي حذفه مراد مكرم قال فيه:"مش عارف أنا الوحيد اللي بفكر كده، ولا في حد بيفكر زيي، كلمة البقاء لله ما فيهاش أي تعذية لأهل المتوفي..يعني البقاء لله دي من المسلمات، أنت بتوصله إيه، معلش كلنا هنموت؟، ودي فيها تعذية إيه، وليه أصلًا؟، ما أهل المتوفي عارفين أن البقاء لله، ضيفت أنت إيه بقا".
تابع مكرم :" فين الله يرحمه ويحسن إليه ويصبرك، فين البقية في حياتك؟، فين طولة العمر ليك؟، زي برضه لما حد يعملك حاجه فتشكره، فيقولك الشكر لله.. لا ونبي؟، ضيفت لي أنت كده بقا معلومة، أصلي ما كنتش أعرف إننا لازم نشكر ربنا".
واختتم مراد مكرم: “يا بني الشكر لله من قبل ومن بعد، بس أنا بشكرك أنت لأنك عملت لي حاجة، ساعدتني في حاجة، فين العفو، فين على راسي، يعني ينفع أقولك صباح الخير تقولي الشمس بتشرق من الشرق؟، هو ليه جو البديهيات ده؟، إيه لازمتها يعني؟”.
