الباز: مينفعش تلوم أو تعاتب واحد راح يشتري فيلل بـ 115 مليون جنيه
قال الدكتور محمد الباز، رئيس مجسلي إدارة وتحرير جريدة "الدستور"، إن إقبال عدد من المواطنين الأغنياء على شراء فيلل في الساحل الشمالي، تقترب سعر الواحدة فقط لـ115 مليون جنيه أمر طبيعي، لأن هناك أغنياء وفقراء في كل دول العالم، ومن بينها مصر.
وأضاف، خلال برنامجه "آخر النهار" المُذاع على قناة "النهار": "لما نبص مصر كدولة زيها زي أي دولة فيها مواطنين معندهمش دخل أصلا، وناس معاها ملايين، ودخلها الشهري ممكن يوصل لـ 100 مليون جنيه".
ولفت إلى أن البعض ينصح بعد تناول تلك الأخبار، المتعلقة بشراء الفيلل بتلك الأسعار، لأنها تغذي الحقد الطبقي.
الباز: مينفعش تلوم أو تعاتب واحد راح يشتري فيلل بـ115 مليون جنيه
وتابع: "هنا لابد من وقفة مع أنفسنا، في فرص لكل الناس تشتغل وتكسب، اه فيه، وكل واحد من اللى راحوا يشتروا الفيلل، أكيد ناس تعبت عشان تجيب فلوس، متقدرش أنت تعارضه أو تحجر عليه أو تلوم على صاحب المشروع انه بيعمل فيللا بـ 115 مليون".
وأكد "الباز"، أن البعض ركز على مشهد شراء الفيلل من باب ذرع نوع من الفتنة الاجتماعية في البلد، وكأن ما يحدث أمر غير طبيعي.
وأردف: "في حجات كتير في مصر بتحصل وضعها وشكلها طبيعي، لكن احيانا بعض الناس تتعامل على أنها مش طبيعية ومينفعش تحصل في مصر، لكن لو بصينا للصورة كلها على بعض، هتلاقي احنا مجتمع فيه فئات وطبقات، لكن لازم نبص أن يكون في حماية للطبقات الفقيرة، في نفس الوقت مينفعش تلوم وتعاتب الناس اللى رايحة تشتري الفلل دي".
