مصطفى بكري لأصحاب فلل الساحل: الناس بتكمل عشاها بكاء

قال الإعلامي مصطفى بكري،  إن المواطنين خلال 25 يناير رفعت أهداف سامية للإصلاح، لكن جماعة الإخوان الإرهابية حولت الأمر إلى كارثة ما زلنا ندفع ثمنها حتى الآن.

وتابع بكري خلال برنامج "حقائق وأسرار" على قناة صدى البلد "مش هنكرر الوضع ده تاني، ومش هنسمع معلومات مغلوطة، لن نستجيب لصندوق النقد الدولي ونخرب بلدنا بإيدينا"، مردفا “والله الناس مش مستحملة، الناس بتكمل عشاها بكاء، الناس تعبانة جدا، عايزين كل وزير ومسئول يحس بالشعب المصري".

وانتقد الإعلامي مصطفى بكري ارتفاع أسعار الفلل في الساحل الشمالي قائلا «بلاش الناس بتوع الساحل الشمالي يستفزوا الناس، من بين اللي قدموا على فلل الساحل 35% مصريين، ربنا يهنيكم بس بلاش استفزاز».

شايف كلام كتير غريب بيقول البلد بتخرب البلد بتنتهي، وخاصة سماسرة البورصة

وتابع "شايف كلام كتير غريب بيقول البلد بتخرب البلد بتنتهي، وخاصة سماسرة البورصة"، معلقا "عايزين التعديل الوزاري يا سيادة الرئيس، نتمنى تعمله إن شاء الله في أقرب فصرة، تغيير الدماء مهم جدا".

وواصل "اخترنا قائد بإرادتنا السياسية وفق مشروع بنشوفه على أرض الواقع، عايزين كل واحد يشتغل بجهد الرئيس عبد الفتاح السيسي، البلد دي تستحق كل تقدير وأن تكون رقما مهما كما كانت دائما في التاريخ".