هيروحوا مني.. مأساة "بسمة" بالقليوبية: جوزي مركب شرايح وابني بين الحياة الموت (فيديو)

تعيش بسمة “ربة منزل”؛ لمأساة كبيرة؛ بعد تعرض زوجها لحادث نتج عنه تركيب شرائح ومسامير بالوجه أدت إلى توقفه عن العمل لمدة فاقت الـ 7 سنوات.

وقالت “بسمة”؛ خلال حوارها مع “مصر تايمز”: “زوجي عمل حادث وهو راجع من الشغل ركب شرايح ومسامير في وجهه، وكان بيشتغل في جمع الزجاجات والبلاستيك من النفايات، والحادث خلى عنده نزيف في الوجه بشكل مستمر”.

وأضافت: “معدش قادر يشتغل مرة تانية عشان النزيف اللي بيجيله، معدش ينفع يتعرض للشمس مرة تانية، والأمر ده مستمر من 7 سنين”.

وتابعت: “عمل حادث تاني، بعد ما نزل الشغل تاني، أدت إلى حدوث نزيف داخلي وخارجي بالجمجمة، تسبب في عدم نزوله للشغل مرة تانية”.

وعن حالة ابنته: “ابني يعاني من مشاكل في القلب، وعمل عمليات قبل كدا، وفضلنا 3 أشهر في مستشفى المنصورة، ولسه بيعاني من القلب لحد الآن، ومحدش قال لنا إنه عنده عيب خلقي قبل كدا”.

وتابعت: “نفسي أروح للدكتور مجدي يعقوب، ويعالج ابني من تعب القلب اللي احنا فيه ده، وفرصة عمل لزوجي عشان أسرتنا تلاقي لقمة تعيش منها”.