حورية فرغلي تثير الجدل بعد تعاطفها مع قاتل نيرة أشرف
تصدرت الفنانة حورية فرغلي محرك البحث الشهير “جوجل” بعد حديثها عن عن جرائم القتل المنتشرة خلال الفترة الأخيرة ، وخاصة قضية قاتل نيرة أشرف وتعاطفها مع القاتل كما تعاطفت مع نيرة.
وقالت حورية فرغلي : “ تعاطفت مع قاتل نيرة، زي ما تعاطفت معاها، وصِعِب عليا الولد؛ لأنه صغير جدًا وما عندوش خبرة، وبيصدق كل حاجة، وحبَّها جدا، وغار عليها غيرة عمياء، وفي رجالة لما بتغير؛ بتقتل، وتكون البنت ما عملتش حاجة، يعني من نوعية أنا ما حدش يضحك عليا، وأنا ما يحصلش فيا كدة”.
وأوضحت حورية فرغلي:"هما كانوا صحاب، وساعدها في المذاكرة، وبدأ يحبها قبل ما تكون موديل؛ لأنه حبها لشخصها، فبدأت تغيَّر طريقتها معاه، وسمعت ماسدج من الماسدجات اللي انتشرت وهي بتقول له: أنا لقيت واحد أحسن منك، وفي رجالة لما تسمع الكلام ده؛ يوصل بيهم الموضوع للقتل".
وتابعت:"والولد قال الكلام ده في المحكمة، وما حاولش حتى يكذب أو يجمل اللي عمله، وفي رجالة كتير بتكون مريضة بمرض الغيرة، بس برضو ما يوصلش للقتل بالمنظر ده".
وقالت حرية فرغلي عن إتهام الفن بنتشار الجرائم:"الفن عمره ما يتسبب في كده، اللي بيقول كده؛ ينشر الأفلام دي، ويوريها لينا، أنا شخصيًا، رفضوا يخلوني أقدم الجزء الثالث من مسلسل ساحرة الجنوب؛ بسبب مشاهد الرعب اللي فيه، لكن الفن بيمثل الواقع".
هجوم غادة إبراهيم على حورية فرغلي
قالت الفنانة غادة إبراهيم، إن المطرب جيفارا بابلو، عرض عليها المشاركة في أغنية القطة السافلة، قبل عرضها على الفنانة حورية فرغلي، ولكنها اعتذرت عنها لجرأة كلماتها.
وتحدث جيفارا عن تعاونه مع الفنانة حورية فرغلي في أغنية القطة السافلة، مشيرًا إلى أن الفنانة كانت مُترددة وقلقة في بداية الأمر، ولكن وافقت في نهاية المطاف على خوض تجربة جديدة بالنسبة لها.
