رانيا فريد شوقي: "أنا وأهلي لسه عايشين في خير والدي"
تحدت الفنانة رانيا فريد شوقي عن والدها الراحل فريد شوقي، وعن أعمالها القادمة وذلك خلال مداخلة هاتفية لبرنامج "لمن يهمه الفن" تقديم أميرة نور على نغم إف إم.
رانيا فريد شوقي: "أنا وأهلي لسه عايشين في خير والدي"
قالت:"أذكر مرة إنه نصحني دايما أقول "بسم الله ما شاء الله والله أكبر"، فأصبحت دايما بردد الجملة الجميلة دي، كمان قال لي إن البساطة والتواضع وحب الناس نعمة.. وفيلم "قضية عم أحمد"، من الأدوار اللي بحبها وبشوف فيها فريد شوقي بدور الأب اللي بيجمع العيلة وبيخاف على كل واحد".
تابعت رانيا فريد شوقي: "كان في مقترح لعمل مسلسل يجسد قصة حياة والدي، ولكن مش عارفة الموضوع وصل لحد فين مع ناهد أختي، أما بالنسبة لاختيار البطل اللي يجسد دور "فريد شوقي" لازم يكون وجه جديد، خصوصاً في سنه الصغير، بالنسبة لي فريد شوقي له طابع مختلف وفعلا مش عارفة ممكن يكون مين، ولو اتعرض عليا أطلع في المسلسل بدور رانيا فريد شوقي طبعا هوافق".
أضافت:" أتمنى يكون في متحف يضم مقتنيات الفنانين، ركن لفريد شوقي، وركن لفاتن حمامة، وهكذا، كمان أري إن والدي بحكم إنه خريج الدفعة الأولي بأكاديمية الفنون، المفروض يكون فيه قاعة باسمه تقديرا له".
ووجهت رانيا فريد شوقي رسالة لولدها: "أقول لوالدي في ذكراه وحشتني قوي، وبشعر إن الفن مالوش أب روحي من بعده، كان "فريد شوقي" دايما مهموم بمشاكل السينما ومن بعده الفنان الراحل نور الشريف".
