محمد أنور ينضم لفيلم مستر إكس
إنضم الفنان محمد أنور إلى فيلم مستر إكس، بطولة الفنان أحمد فهمي، وإخراج أحمد عبد الوهاب، ومن المقرر استكمال التصوير قريبا.
نشر محمد أنور على صفحته على موقع تبادل الصور والفيديوهات إنستجرام قائلا " الحمد لله.. توكلنا على الله فيلم مستر Ex إنتاج أحمد السبكي، تأليغ أمجد الشرقاوي وأحمد عبد الوهاب، وإخراج أحمد عبد الوهاب".
وعبر محمد أنور عن سعادته بالمشاركة للمرة الثانية مع أحمد فهمي:" مبسوط جدا أن تاني مرة يجمعني حاجة بأخويا أحمد فهمي إن شاء ربنا يكرمنا ونعمل شغل يبسطكم".
محمد أنور يكشف عن أعماله قبل التمثيل
وكان الفنان محمد أنور قد قال فى تصريحات له ببرنامج "سهرانين" مع أمير كراره : "اشتغلت حاجات كتير في النقاشة والمحارة والمطاعم والكافيهات، وبالنسبة للنقاشة انا كنت صبى عند مصطفى خاطر عشان هو كان الأسطى، وحمدى الميرغنى كنت أنا أسطى عليه وقتها عشان جيت قبله بيوم واحد".
وتابع محمد أنور: "واشتغلت شغلانة غريبة بس كانت محترمة، كنت بحضن واحد وهى إن الأسطى كان بيعمل السقف المعلق وكان أصعب مكان يتعمل فيه فوق الشبابيك وعشان يجيبها عاوز يقف على الشباك فمحتاج حد يحضنه وآجى كل يوم من 8 الصبح لغاية المغرب عشان أحضنه ويأكلنى وآخد 20 جنيه".
وأضاف محمد أنور: "أنا بيتوتى جدا وأهم حاجة عندى في البيت هي الكنبة فلازما شترى كنبة مريحة لأن عمر هيضيع هنا، ونزولى نادر وحتى لما بسافر مش بخرج ومتعتى كلها جوا الفندق ومن كتر حبى للروب الأبيض بنزل أفطر بيه".
