"مالكم في إيه".. فريدة سيف النصر تعلن غضبها من تعليقات الجمهور
كشفت الفنانة فريدة سيف النصر عن رأيها في الهجوم الكبير على الفنانين خلال الفترة الماضية، وأشارت عن الطريقة التي يتم إنتقاد فيها الجمهور، وأن هذا مخطط لهدم الفنانين القوي الناعمة، ونشرت على صفحتها على موقع التواصل الإجتماعي “الفيسبوك”.
"مالكم في إيه".. فريدة سيف النصر تعلن غضبها من تعليقات الجمهور
علقت فريدة سيف النصر قائلة:"أنا زعلانة علينا كلنا أوي..المصريين أحلي وأطيب وأجدع من كده بكتير..خفة دم وكرم وذوق..إيه اللي حصل..ليه بنستخبي ورا شاشات وننزل نحر رقاب بعض الكلمة القاسية بتذبح.. بقينا نكديين مانعرفش نفرق بين جد وهزار كله عايز يتخانق مع كله..ايه ده".
وتابعت فريدة سيف النصر:"كل يوم يعاملوك بوش أو حسب المصلحة..في إيه بعض الناس ماسكين الفنانين وكأن في تار بلا أسباب دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده بيرقص كونغرو وده اتكسح ودي روحي موتي كفايه..مالكم في ايه بجد..هما الناس دي ما أسعدكمش أعمالهم فترات من الزمن.. إنت مابتحبيش فلان غيرك بيحبه..في إيه ياجماعهة تحسوا مخطط لهدم الفنانين القوي الناعمة اللي فاتحين بيوت أربعة عشر مليون متخيلين".
وأشارت فريدة سيف النصر:" كل المهن شغاله معانا تحت أيديهم كام عامل واسطي كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة..بتحاربوا تمن عدد البلد في أكل عيشهم..اقرءوا كده المسلسل بيكتب ناس قد إيه عماله في العمل شوفوا وقولولي. كفايه هدد في الفن .الوحش انقدوه بأدب والكويس شجعوه..إنما تهزءوا فنانين كبار ليه يعني ..علي فكره أنا عارفه إنها لجان مستهدفه الفن المصري..والفن عموما ماهو العربي بيصب هنا .هاه قرروا إيه ..هانشتم من ورا الشاشة ولا هانقول كلام نصح حلو يا باشا".
