ميار الببلاوي لشيرين عبد الوهاب بعد زيادة وزنها: فوقي لنفسك وبناتك الدنيا مابتقفش على حد

وجهت الفنانة ميار الببلاوي رسالة للنجمة شيرين عبد الوهاب، طالبتها فيها بتخطي أزماتها من أجل بناتها وجمهورها.

وقالت ميار الببلاوي في فيديو نشرته عبر حسابها في موقع التواصل الاجتماعي فيسبوك: "أنا شوفت الفنانة الكبيرة النجمة شيرين عبد الوهاب وهي طالعة تتكرم من كام يوم، وشوفت الفستان اللي هي لابساه والوزن اللي وصلت له".

وأضافت: "شيرين فوقي لنفسك وولادك، الدنيا مش بتقف على حد اسأليني أنا، كلنا اتصدمنا واتطلقنا وفشلنا، وإنت مش ملك نفسك إنت ملك جمهورك بفنك، وقبل ما تكوني ملك جمهورك إنت مثل أعلى لبناتك".

وتابعت: "أنا عارفة إن حبك كان جامد والعلاقة كانت حلوة، قومي أقفي واثبتي وجودك، والبسي أحلى حاجة، وارجعي تاني ظبطي وزنك".

وكانت شيرين عبد الوهاب أحيت حفل تخرج كلية طب الأسنان بجامعة مصر الدولية قبل أيام، وظهرت بزيادة وزن ملحوظة.