رضا عبد العال: "الأهلي مش محتاج حارس جديد ولو لازم يضم يبقى نوير"
أشاد رضا عبد العال نجم الكرة المصرية الأسبق، بالثنائي علي لطفي ومصطفى شوبير، موضحاً في الوقت ذاته أن سامي قمصان كان يستحق البقاء على رأس الإدارة الفنية للفريق الكروي الأول بالنادي الأهلي.
رضا عبد العال: "الأهلي مش محتاج حارس جديد ولو لازم يضم يبقى نوير"
وقال رضا عبد العال في تصريحات تلفزيونية، “الأهلي مش محتاج حارس جديد في ظل تألق علي لطفي ومصطفى شوبير بجانب محمد الشناوي، ولو محتاج يضم حارس جديد يضم نوير”.
وتابع، “الأهلي لا يحتاج إلى حارس مرمى جديد في الموسم المقبل وعندما حصل مصطفى شوبير وعلي لطفي على الفرصة كاملة في غياب محمد الشناوي استطاعوا الدفاع عن عرين القلعة الحمراء بجدارة، أتمنى استمرار ثلاثي فريق الأهلي في حراسة المرمى مع منح الفرصة للثنائي على لطفي ومصطفى شوبير في باقي مباريات الدوري الممتاز”.
وأضاف رضا عبد العال، “سواريش لازم يمشي، وهو لا يستحق مكانه في الأهلي، سامي قمصان لو كمل في القيادة الفنية للأهلي كان زمانه بينافس على الدوري”.
وتابع، "طالما هتعمل صفقات قوية، لازم مدير فني على أعلى مستوى، عشان تنافس وتاخد بطولة وترجع للدوري تاني وأفريقيا، لو عملت صفقات في وجود سواريش والطريقة اللي بيلعب بيها مش هنوصل لحاجة وهو لا يستحق المبلغ الذي يحصل عليه أبدًا".
واستكمل رضا عبد العال، "سواريش عارف أن كل 3 أيام في ماتش، والدوري مضغوط، الناس لا ضللوه ولا ضحكوا عليه، اشمعنا لما وقعت دلوقتي بتقول الإرهاق والإجهاد، إيه اللي خلاك مسكت، طالما مسكت يبقى تتحمل".
وفي وقت سابق تداول نشطاء على وسائل التواصل الإجتماعي فيديو لـ رضا عبدالعال، نجم الكرة المصرية الأسبق، يعلقفيه على أحداث ما قبل مباراة الأهلي والإسماعيلي في الدوري المصري الممتاز.
وقال رضا عبدالعال من خلال الفيديو: “الدوري معمول ليه، الفرق كلها بتروح الإسماعيلية ليه الأهلي مش بيلعب في الإسماعيلية”.
وتابع: “انسحبوا أفضل من الدوري طالما خايفين تروحوا تلاعبوا المصري والإسماعيلي وكل الماتشات في إسكندرية بس”، مضيفاً، “وكل دا والأهلي ما أخدش الدوري، أكيد جماهير الأهلي استفزتهم فحصل كدا وضربوهم”، واختتم: “طالما الأهلي مش عايز يروح الإسماعيلية ميشتركش في الدوري”.
