"فتح سوستة العباية ولمس أجزاء حساسة".. طبيب يتحرش بسيدة داخل عيادته في الدقي
تقدمت سيدة ببلاغ بقسم شرطة الدقي، تتهم فيه طبيب عظام شهير بالتحرش الجنسي بها، أثناء جلسة علاجية في مقر عيادته .
"فتح سوستة العباية ولمس أجزاء حساسة".. طبيب يتحرش بسيدة داخل عيادته في الدقي
وذكرت السيدة في بلاغها أنها تم التحرش بها يوم 9 أغسطس الجاري، في عيادة طبيب شهير، قائلة أنها تذهب للعيادة دائمًا برفقة زوجها، وتباشر علاجها لمدة 3 سنوات تقريبا لتقويم العمود الفقري وعلاج الغضاريف بدون جراحة ويتم عمل جلسة تسمى “الكايرو براكتيك” أي طقطقة العظام.
وتابعت السيدة: "أنا روحت العيادة للدكتور وأنا كنت تعبانة جدا، وبعاني من الغضاريف العنقية والقطنية وخشونة بالركبتين وعارفه جلستي بتم أزاي لأني بقالي فترة كبيرة بتابع معاه وبحتاج جلسة كل 6 شهور أو وقت ما التعب يشتد عليا جدا".
وروت السيدة تفاصيل التحرش بها: "أنا في يوم تبعت فيه جامد فقولت خلاص هروح العيادة وكان معايا أبني الصغير لظروف سفر زوجي وكان التعب شديد عليا جدا.. فقررت أني أروح وبدأ بالكشف وعمل الجلسة وأثناء العمل قام بفتح سوسته العباية بتاعتي ووضع يده بشكل مباشر على أماكن عفتي.. جالي شلل واتصدمت ومش متخيلة اللي بيحصل".
وأضافت، أنا روحت خرجت إيديه وقفلت سوستة العباية وطلبت إني أمشي فورا لأني تعبانة جدا، وكنت عايزة أخد ابني وأمشي.. المهم راح فتح سوستة العباية تاني ودخل إيدثه والمرة دي حسيت بحاجة ناشفة في ضهري وأكتشفت أنه عضوه الذكري.. وحاولت أفك إيديه ولكن معرفتش للأسف لأنه أقوى مني، وبعدها هو سابني لما حس أنى ممكن أفضحه فأخدت ابني ومشيت وأنا منهارة وتاني يوم روحت عملت محضر بالواقعة.
