وفاة والد عريس بعد سخرية المعازيم من وجبات الفرح بالشرقية
لفظ والد عريس في مدينة بلبيس بمحافظة الشرقية، أنفاسه الأخيرة بسبب سخرية أحد المعازيم من وجبات الفرح أثناء عقد قران نجله.
وقال أحد أصدقاء الفقيد، إن والد العريس قبل وفاته قام بدعوة جميع جيرانه وأصدقائه وزملائه في العمل لتناول الغداء قبل عقد قران نجله إلا أنه سخرية أحد المعازيم منه بسبب عدم حصوله علي وجبة غذائية تسببت في حزنه وأصابته بهبوط في الدورة الدموية وتوفي على إثرها في الحال، مضيفا أنه كان يتمتع بصحة جيدة.
وعلق الدكتور جمال شعبان عبر تدوينة على الفيس بوك على وفاة والد العريس قائلا"الزعل بيكسر القلب فعلا دي حقيقة علمية وحالات إكلينيكية واقعية بنشوفها مش كناية بلاغية ولا تعبير مجازي.. القلب اللي على اليمين في الصورة قلب مكسور شايفينه ضعيف وانكمش ازاي القلب اللي على الشمال قلب سليم شايفينه محتفظ بقوامه وشكله ووظيفته ازاي.. الزعل والصدمات العاطفية والفشل في الحب وفقدان الأحبة بيكسر القلب وممكن ينتهي بموت مفاجيء".
وأضاف: "الزعل بينشط الادرينالين والنور أدرينالين وبيحبط إفراز هورمونات السعادة زي السيروتونين ودا بيعمل زي شلل في عضلة القلب وترهل وتمدد في القلب بيبقي زي البالون".
وتابع جمال شعبان: "العلماء سموا الحالة دي متلازم القلوب المنكسرة هي منكسرة عاطفيًا وعضويًا.. علشان كدا ربنا في القرآن دايما يقول لا تحزن ويقول عن أهل الجنة لا خوف عليهم ولا هم يحزنون وأهل الجنة شكروا ربنا مش علي الجنات والأنهار والعيون والفاكهة والغلمان والحور لكن قالوا الحمد لله الذي أذهب عنا الحزن.. يعني الجنة هي عدم الحزن علشان كدا دايما أقول لكم #ما_تزعلوش".
