"بياخد مصروفه من أمه".. سيدة تقيم دعوى خلع أمام محكمة الأسرة
أقامت زوجة تدعي "مريم" دعوي خلع ضد زوجها "رضا" أمام محكمة الأسرة بالتجمع مطالبة فيها بالتفريق بينها وبين زوجها لاستحالة العيشة معه؛ لأنه لايقوم بالانفاق عليها هي ونجلها ولا يحب العمل .
"بياخد مصروفه من أمه".. سيدة تقيم دعوى خلع أمام محكمة الأسرة
وقالت الزوجة أمام قاضى محكمة الأسرة أنها تزوجت منذ عامين وأنها تحب زوجها ولكن بأخر فترة أصبحت لاتتحمل أفعاله حيث يترك عمله بدون أى سبب ويجلس بالمنزل وإذا عاتبته يقول لها :" مبحبش الشغل أنا اتعودت أقعد والفلوس تجيلي ".
وتابعت "مريم": "أنا عشان بحبه حاولت أعدي كل دا وبقول ظروف وهتتحسن وهيعقل لما يخلف وكنت في ضغط من أهلى أني اطلق منه ولكن قولت لأ وخلفت الولد عشان هو يحس بالمسؤلية لكن بقي بياخد فلوس مني ومن أمه".
وأضافت: "أنا وهو بقينا بنتخانق كتير وطول الوقت في مشاكل ومش فاهمني ولما فلوسي خلصت بقي بياخد فلوس من أمه زي الطالب اللى بياخد مصروفه وأنا مبقتش قادرة أعيش معاه نهائي".
واختتمت الزوجة في دعواها: "الموضوع بالنسبالي بقي صعب وأهلى عندهم حق انا مكنش ينفع أصبر معاه كل دا ومش هقدر أكمل خلاص عشان كدا لجأت لمحكمة الأسرة وأقمت دعوى خلع ضده".
