شقيق المتهم بقتل فتاة المنوفية يعلق على الواقعة: "أخويا مات وسره معاه"
علق مصطفى أبو عميرة، شقيق أحمد الشاب المتهم بقتل الطالبة أماني الجزار في قرية طوخ طنبشا التابعة بمركز بركة السبع في محافظة المنوفية، على الواقعة التي هزت المحافظة.
ونشر شقيق المتهم منشورا عبر حسابه؛ على موقع التواصل الاجتماعي “فيس بوك” قال فيه: "وَلكم في القصاص حياة يا أولي الألباب لعلكم تعقلوب.. أنا لا أنكر ما فعله أخي وأعلم أن حتى إن كان هرب من قضاء الدنيا فهناك قضاء الآخرة لا محال، أخويا مات ومعاه سره ودوافعه اللي خلته يعمل كدا فإنا لله وإنا إليه راجعون ولا أقول غير إني رضيت بقضاء الله".
وأضاف شقيق أحمد الشاب المتهم: "أخويا عمره ما كان بتاع مخدرات، أخويا كان لما يعرف إن في شاب بيتجه لسكة بودرة كان يسحبه منها وكان يضربه ويبعده عنها ويعرّف أهله وكتير في طوخ طنبشا يعرف الكلام ده، وأهالي كانت تتصل على أحمد مخصوص، الحق ابني يا أحمد، الحق ابني اضربه وهينه وهاته ليَّ، كتير أوي والله وعلى يدي، فأخويا أذنب ومعترف بكدا وراضي بحكم ربنا وقضائه، بس لا أخويا بتاع مخدرات ولا كانت سكته، وأحمد كان راجل جدع وساعد ناس كتير وحافظ على شباب كتير في البلد كانت هتدخل في سكة البودرة، وهو اللي وقف لهم منه لنفسه، وما كانش مستني حاجة من حد الحمد لله هي جدعنته اللي كانت ممشياه".
وتابع: "هو مات وسره مات معاه وغلط وربنا موجود، رجاءً من كان لديه خصومة مع أحمد أو كره أحمد فليسامحه لله ويسامحه ويدعو له بالرحمة والمغفرة، لو أحمد أذى حد يسامحه هو عند ربنا الذي يعلم كل شيء وكفاية نهش في لحم ناس لا ليها ذنب في حاجة ولا عملتلكم حاجة وحشة قبل كدا واعلم أنك واقف بين يدي الله لا محالة وعند الله تجتمع الخصوم، وإنا لله وإنا إليه راجعون".
