شقيقة فتاة الطالبية تدلي بتصريحات مثيرة: "بعد ما قتلتها غيرت هدومها وسرحت شعرها"

قالت شقيقة المجني عليها (ضحية القتل على يد صديقتها بالجيزة)، إنها مازالت داخل مشرحة المستشفى منذ خمسة أيام؛ منها يومًا قضته داخل شقة الجانية بعد قتلها: "اختي بقالها خمس أيام في المشرحة منها يوم جوا بيت صاحبتها اللي قتلتها، بعد ما قتلتها دخلتها الحمام وغيرت هدومها وسرحت شعرها وحطتلها مكياج".

واستكملت: "فضلت معاها في البيت يوم كامل ومش هي اللي بلغت عن نفسها لا عم ربيع جارها هو اللي شافها وبلغ، أنا نفسي أعرف أختي عملت ايه ليه تقتلها؟، كلام الناس مش حقيقي إن أهلنا منفصلين لا احنا عايشين سوا مش معقول هنطرد دي من وسطنا ونعيش من غيرها".

ووجهت كلامها لوالدة الجانية: "أنا عاوزة أعرف بنتك عملت كدا ليه عمومًا حق أختي أنا مش هسيبه وهيرجع، والطب الشرعي هيثبت كل حاجه ويغلط كلام الناس".

يذكر أن المجني عليها "مريم.أ" 17 عاما، لقيت مصرعها على يد صديقتها "مريم.و" 17 عاما، ونشبت بينهما مشادة كلامية يوم الواقعة قامت على إثرها المتهمة بقتلها، وقالت المتهمة أنها قررت قتلها عندما طلبت منها عمل جلسة مساج، ففكرت في التخلص منها، فطلبت منها تنام على بطنها بعد خلع كافة ملابسها، فخنقتها على الفور بالإيشارب.

وتجري نيابة الجيزة، التحقيق في مقتل فتاة على يد صديقتها داخل مسكنهم بالطالبية، وأمرت بحبسها على ذمة التحقيقات، لحين استكمالها وإحالتها للمحكمة.