مصطفى بكري ينتقد تصرفات رواد الساحل الشمالي: بطلوا استفزاز

انتقد الإعلامي مصطفى بكري، بعض تصرفات رواد منطقة الساحل الشمالي، التي وصفها بالاستفزازية.

وقال بكري خلال برنامج حقائق وأسرار على قناة صدى البلد فيه ناس بتستفزنا، أنا شوفت فيديو لأخ خليجي بيتكلم عن السيارات اللي موجودة في العلمين، والله ولا كأننا دولة عندها فائض كبير، بتشتري سيارة بـ 8 مليون ماشي بس بلاش تستفز الناس، نرجوا من إخوانا بتوع دولة الساحل الشمالي يبطلوا يستفزونا.

 مضيفا الشكوى الأساسية للمواطنين هي ارتفاع الأسعار، أين الأجهزة الرقابية، الرئيس مش هيعمل كل حاجة لوحده، دي بلدنا محتاجين نطبطب على الناس، ونمسك أي حد بيزود أسعار على الناس.

وأضاف بكري الناس عايزة الستر، محدش عايز يبقى باشا، شوفلنا حل في أسعار المياه والكهرباء اللي طالعة نازلة، مردفا نتمنى أن يحدث استجواب في مجلس النواب الفترة المقبلة، كما يجب على الإعلام أن يواجه التشكيك.

وواصل أتمنى أن يكون أول قانون ينظره مجلس النواب في أكتوبر المقبل، هو اشتراطات البناء، فيه ناس تعبانة وشقيانة ومش لاقية، لازم أحطها في أولوياتي.
وأكد بكري أن القوات المسلحة هي التي حمت مصر في 25 يناير.