تامر حسني يشعل حفلا ضخما بقصر القبة
أشعل فنان الجيل المطرب تامر حسني، حفلاً غنائيًا ضخما داخل قصر القبة، مساء اليوم الخميس، وذلك وسط عدد ضخم من الجماهيري.
تامر حسني يشعل حفله في قصر القبة وسط حضور ضخم من الجماهيري
وقدم تامر حسني عدد من الأغاني ودخل تامر وهو يغني أغنية هو ده، ثم حلو المكان، عيش بشوقك، كفاياك اعذار، ارجعلي، صعبة، ناسيني ليه، ونور عيني، حب يعجزك، ومن النهارده هدلعني، وغيرهم من الأغاني.
عبر الفنان تامر حسني عن سعادته بالحضور الجماهيري الذي شهده حفله الذي أحياه مساء أمس في محافظة الإسكندرية.
وشارك تامر حسني جمهوره عبر موقع التواصل الاجتماعي انستجرام، لقطات من الحفله وعلق قائلًا: “في إسكندرية إمبارح مكنتش حفلة، كان حدث مش عادي بجد عيني مكنتش عارفة تجيب آخر الجمهور، حضوركم الكريم ده هفضل فخور به طول عمري”
تابع تامر حسني: "اتشرفت بتقديمي لـ 13 موهبة مصرية من مختلف محافظات مصر، وفعلًا كسروا الدنيا بأصواتهم فوق الرائعة وعازف الساكس الصاعد المتميز اللي قدمته وموهبته كانت مفاجأة كبيرة للجمهور".
وأضاف: "فخور بالتنظيم أدهم بكري الشاب الجميل الإسكندراني اللي كان بيحبني من وهو 15 سنة، وقولت له لو بتحبني أوي لازم تنجح ووعدني أنه هينجح والنهارده عنده 30 سنة، وهو من كبار منظمي الحفلات في إسكندرية، وأصبح صاحب الحفل الأضخم في تاريخ حفلات مصر".
اختتم تامر حسني: "بشكر رجال الأمن، مجهود عظيم في تأمين عدد خرافي زي دا لحد دلوقتي مفيش كاميرات عرفت تصور الجمهور رغم كل الصور دي بس قريب هينزل تقرير كبير عن الحفلة، وهيكون أوضح، شكرا طلاب الإسكندرية حبايب قلبي شكرا لكل شعب إسكندرية العظيم الراقي المحترم، شكرا لكل الوحوش اللي تعبوا في المسرح الكبير ده، وإخراج الحفلة بالشكل العظيم دا اللي يليق بإسكندرية وشعبها".
