"الدواء بيوصل بايظ".. مواطن يستغيث من تطبيق شهير لتوصيل الأدوية للمنازل
استغاث أحد المواطنين عبر السوشيال ميديا من تطبيق شهير لتوصيل الأدوية للمنازل بعدما أجري طلب بدواء معين وعند استلامه وجد إنه غير صالح للإستخدام وشكل الدواء غريب ، مؤكدا إنه حاول التواصل مع التطبيق أكثر من مرة ولكن دون جدوي.
وقال صاحب الاستغاثة،" عملت اوردر من صيدلية فيزيتا اونلاين يوم 20 سبتمبر في كذا دواء
جالي دواء منهم في مشكلة في الأقراص بتطلع مشروخة او مكسورة او مشققة وواضح ان في مشكلة في العلبة كلها (موضح في الصور) تواصلت معاهم 4 مرات اول يوم عن طريق الابليكشن بعت complain بالصورة محدش تواصل معايا وتاني يوم اتصلت بيهم اتقالي في حد هيكلمك من الصيدلية و محصلش
تالت يوم اتصلت بيهم اتقالي في حد هيكلمك من الصيدلية".
وتابع "في حد كلمني فعلا ووضحتله المشكلة و اتقالي تمام هنبعتلك علبة بدالها بس بكرة لما يكون في مندوب رايح المنطقة بتاعتك ودي كانت في قمة الوضوح أن حل مشكلة العميل مش أولوية عندهم و مصاريف التوصيل اهم منها بس المشكلة الاكبر ان كالمتوقع تاني يوم مفيش حاجة جت اصلا ".
واستطرد مشكلته مع صيدلية فيزيتا قائلا " اتصلت بيهم لرابع مرة و نفس القصة هنخلي حد يكلمك ووضحت مدى الاستهتار اللي حصل و قولتلهم ان لو القصة في مصاريف التوصيل فانا هدفعها بس نخلص لان في حد مبياخدش الدوا بتاعه بقاله كذا يوم بسببكم بس برضو محدش تواصل معايا بعدها بيومين المندوب جالي بعلبة فتحت قرص منها قدامه طلع فيها نفس المشكلة و رجعت معاه العلبتين و قالولي هنتواصل معاك و بقالي 4 ايام بجري وراهم و مفيش حل و الموضوع مفيهوش اي مراعاة للعميل".
