"طلب تليفون بعتوله علبة عصير بدلا منه".. مواطن يتهم شركة "جوميا" بالنصب عليه

فى واقعة غريبة لا يتخيلها أحد ، سرد أحد المواطنين مشكلته مع شركة جوميا على مواقع التواصل الاجتماعى بعدما أقدم على طلب أوردر من شركة "جوميا" وهو تليفون سامسونج  وفوجئ عند استلامه الأوردر بأنه علبتين عصر وليس التليفون.

وقال صاحب الشكوي" اخواتي مشكلتي باختصار طلبت أوردر من Jumia تليفون سامسونج بفتح الاوردر لقيت عدد 2 علبة عصير و فتحتها قدام المندوب و كلم مديره عمال يماطل فيا و كلم خدمه العملاء و اكلمهم قافلين".

واستنجد صاحب الشكوي بجهاز حماية المستهلك لضمان حقه واتخاذ الاجراءات اللازمة مع الشركة".

وسرد مواطن آخر مشكلته مع شركة جوميا قائلا " نفس المشكلة حصلت معايا بالظبط طلبت 2 راديو بإجمالي 425 جم جاء المندوب بعبلة كرتون بفتح العلبة لقيت فيها مزيل عرق اتصلت بخدمة العملاء بتاعوا جوميا كلهم حافظين مش فهمين بعتوا المندوب بعد 45 ساعة اخدوا مزيل العرق الل جية بالغلط وبعتوا  212 مبلغ الراديو الاول اما الراديو الثاني قالي انتي استلمتة قعدت اسبوعين افهم فيهم ولا عاوزين يفهموا بيقولي رجعنا الكاميرات وسياسية جوميا بتقول انك استلمتي الراديو وطلبت جهاز حماية المستهلك طلع العيب عندي انا اني ما فتحت الصندوق الكرتون ورجعتوا للمندوب ولا دفعت الفلوس  ولحد دلوقتي ولا حاجة حصلت لا الفلوس اللي اخدوها رجعت ولا الراديو".

وتابع "حسبي الله ونعم الوكيل فيهم شركة حرامية ونصانين بمعني الكلمة انا بحذر كل الناس منهم اوعي حد يشتري منهم حاجة علشان الموضوع دة متكرر مع ناس كتير وخدمة العملاء بتاعوا حافظين كلمتين وخلاص .ربنا ينتقم منهم كلهم"