في يوم الفتاة العالمي.. سهير جودة تنصح البنات بالقراءة والاستمتتاع بحفلات الموسيقى

وجهت الإعلامية سهير جودة نصائح للبنات في يوم الفتاة  العالمي، مشيرة إلى أنه  ولابد أن  يكون لديهم  روح منطلقة وحيوية وبهجة بسكل مستمر، مؤكدة: لازم نقرأ كويس جدا، نرجع نقرأ من الكتاب مش من الانترنت، ونحب مسكة الكتاب والورق، ونمتن ان في في حياتنا مبدعين بيكتبوا ، وان احنا عارفين نتذوق، ونروح مهرجان الموسيقى العربية، نروح حفلات فيها موسيقى حلوة، نروح حفلات الاوبرا بكل اشكالها، نروح متاحف، نكتشف مصر القديمة وشارع المعز، ومسجد السلطان حسن، وجامع ابن طولون، كل دي تفاصيل حلوة جدا هتستمتعوا بيها وهتكتشفوا عبق التاريخ وهتفتخروا انكم مصريين.

وأضافت سهير في برنامجها الستات، أنه ينبغي على الجميع تناول أكل صحي للحفاظ على صحتهم، وخاصة الفتيات، قائلة: بلاش السكريات الكتير والمقليات الكتير، بلاش الوجبات السريعة اللي بنشتريها من بره، لأن الكالسيوم والسنان والشعر هيتأثروا بكل الكلام ده.

وأكدت سهير جودة، أنها تعاني دائما من اكتئاب الفصول، بسبب غروب الشمس مبكرا، مشيرة: انك تطلعي من مكان فجأة تلاقي الدنيا مظلمة، رغم اني كائن ليلي بس متفهميش ازاي انا بحب الشمس، وطول عمري بتأثر بالكلام ده.

وتابعت سهير: طول عمري الفترة اللي من بعد نهاية فصل الصيف الى بداية فصل الشتاء انا مبحبهاش،  وطول فترة فصل الشتاء مبحبهاش وفترة مش شبهي خالص.

https://fb.watch/g6B92qboU3/