رد عنيف من ريهام سعيد على المتنمرين بسبب مظهرها

وقالت ريهام عبر حسابها الرسمي بموقع التواصل الاجتماعي "انستجرام": "الي بيقولوا اتغيرتي دي انا و طول عمري بسيطه و شايفه ان لو الحاجه مش مبتذله تبقي شيك و كل واحد حر . الصوره التانيه دي من اربع سنين و موجوده علي كل المواقع و بتنزل في كل الاخبار ايه الفرق دراعي هو دراعي والله بس تخنت عشره كيلو علي فكره ده الجينز بتاعي الي بخرج بيه و التيشرت دي من دولابي الخاص يعني لبسي ". 

وأضافت: " للعالم المريضه ركزوا فحياتكوا يا ملايكه و ارحمونا من احكامكم و اراءكم الي مالهاش اي قيمه . و لا انتوا ملايكه و لا ليكوا الحق في الحكم علي الناس الكلام ده للقله القليله المريضه الي جواها غضب بتطلعه علي بروفايلات الناس المشاهير". 

وتابعت: "مش فاهمه فكره انك تتابع و احد عشان تنتقده انت ماللك . دي انا بسيطه و حره و شيك و عمري ما كنت حاجه غير كده و دي طبيعتي الي مصدوم اكيد مش ها روح البرنامج كده لان ماينفعش الواحد يروح البنك لو موظف بشورت ده غير اني ممثله مش اعلاميه بس . الدليل علي انكوا و لا بتفهموا في الدين و لا تعرفوه ان الدين قال ان الكلمه الطيبه صدقه انتوا وصل بيكوا التنمر انكوا بتحكموا مين داخل الجنه و مين داخل النار . و ان تقل خيرا او لتصمت . ارحمونا بقي من العقد و من قله الادب . ناس بتبان في منتهي التقوي من ناحيه المظهر و هي منحرفه انحراف رهيب . لما مايعجبكش حد ابعد عنه و ادعيله بالهدايه مع ان مجرد انك تحكم علي حد وعلي علاقته بربنا انت الي محتاج ندعيلاك بالهدايه".