ياسمين عز : أنا مش "ملطشة" وعارفة أنا بقول إيه وبعرف أرد

ردت ياسمين عز على الجدل المثار حول تصريحاتها بأن " لو جوزك على علاقة بواحدة تانية معناها انه راجل محبوب"، قائلة " ده فيديو قديم من 5 او 6 سنين فى واحدة قصدها تطلعه وأنا مش ملطشة وبعرف أرد وبرد كويس أوي".

وتابعت " ده كلام حد أهبل وحد قاصر .. أنا مش ملطشة ومقولتش كده واللى بتنادى إن الراجل ليه حقوق والست ليها حقوقها ماتقولش الكلام ده".

وقالت " عندى حياة اجتماعية والناس عارفني من سنين وأنا مش مدعية ... الطيبة والأدب فى حتة معينة وقوة شخصيتي فى حتة تانية".

وكانت المذيعة مي حلمي المذيعة ياسمين الخطيب، بسبب ما كتبته الأخيرة عن ياسمين عز مقدمة برنامج "كلام الناس" على قناة MBC مصر.

ونشرت مي حلمي جزء من كلام ياسمين الخطيب، وكتبت معلقة عبر حسابها على Facebook: " ماعنديش أدنى شك غير الي تقول كده علي زميلتها واحده منفسنه عليها مش أكتر".

وأوضحت: "ما البرامج كتير والهبد كتير، اقلبي يا حببتي واتفرجي علي رضوى الشربيني مدام ياسمين مش عجباكي، ولا ياسمين عز وجعاكم؟".

وتابعت مي حلمي: "ماتتفرجوا علي بقيت البرامج، إزاي تحاربي ست زيك ولا عشان إنتي قاعده وهي بتشتغل؟ فالهريه والنكته شغاله عليها".

ودافعت عن ياسمين عز قائلة: "هي حرة في رأيها، يدوس علي السجادة يدوس علي وشها هي حرة، وكل واحدة حرة تعامل جوزها إزاي، ولو بتنصحهم يبقوا كويسين مع إجوازتهم دي حاجة حلوة مش وحشة".

وأردفت: " أنا عن نفسي بحب ياسمين، وليه نكسر في واحدة نجحت انضفو بقي وخليكي منك ليها في نفسك، إعرفوا انجحوا الأول وأبقوا اتكلموا علي غيركم".

وعادت مي حلمي لتتحدث عن تعليق ياسمين الخطيب قائلة: "وإيه الطريقة دي بتاعت يع وبلدي، إيه ياختي عيشي عيشه أهلك واحترمي زميلتك، ما أجرمتش، ولا لازم تطلع تقول إدي جوزك بالشبشب عشان تتبسطي، اه آسفه أصلها مسمعه فمزعله الفشلة".

وواصلت دفاعها عن ياسمين عز: " هتقولولي ناجحة في إيه ؟ اه ناجحة وبتتفرجوا عليها، ومدام بتتفرجو عليها وبتجيبو سيرتها تبقي ناجحة، واما تتكلم عليها واحدة بتحكها في المذيعات ومش عارفة، تبقي ياسمين نجحت".