محامي شيرين عبد الوهاب: تقارير المستشفى تؤكد حاجتها للعلاج
علق المستشار ياسر قنطوش، على تصريحات شقيق شيرين عبدالوهاب بشأن إحتجاز شيرين عبدالوهاب داخل أحد المستشفيات النفسية، ورفع الأول دعوى قضائية ضده بعد إتهامه أنه ينضم لمجموعة من العصابات وذلك خلال تصريحاته في برنامج “الحكاية ”مع الإعلامي عمرو أديب.
محامي شيرين عبد الوهاب: تقارير المستشفى تؤكد حاجتها للعلاج
وعلق ياسر قنطوش، أن يهمه في كل ذلك هي مصلحة شيرين عبد الوهاب:"أنا مع أهلها وأي حد مع شيرين أنا معاه، مع احترامي لـ سارة الطباخ وحسام حبيب، وأهلها لو هما معاها أنا معاهم مش ضدهم، اللي أنا عايز أوصله للأستاذ محمد أخو شيرين، اللي بيقول عليا إني مع مجموعة عصابة، وأنا محامي شيرين من 3 شهور بس، وكل اللي عملته إني جبتلها حقها من حسام حبيب، ولو أنا وجهت اتهام لأخيها بسوء فهم أنا هبعت حد يتنازل عنه، لأني مش ضد شيرين ولا ضد أهلها.. وأنا هسامحه في الكلمة اللي قالها دي علشان خاطر شيرين بس".
وتابع ياسر قنطوش، عن وجود شيرين عبدالوهاب في أحد المستشفيات النفسية: "وجدت في النيابة الصياغة اللي اتقالت ليا لما الناس جابتلي بتقرير أنها مريضة ومصلحتها إنها تفضل في المستشفي لأن أنا يهمني مصلحة شيرين عبد الوهاب، والمستشفي جابت تقرير طبي قدم مستندات بتقول أنها مريضة ومحتاجه علاج، ولما عرفت كده خدت بعضي ومشيت..وانسحبت فورًا مكملتش".
وأضاف ياسر قنطوش:" تفاجأت بوجود الفنان حسام حبيب وسارة الطباخ أمام المستشفي وهو أخبرني أن شقيقها جاب ناس من المستشفي ودخلو شقتها في التجمع الخامس وضربوها وأخدها عنو لإحتجازها في المستشفي وذلك ضد إيراداتها..وقالي أنت الوحيد اللي أخدت قرار علشان تساعد شيرين ولا أعلم لماذا قالي ذلك".
