رولا خرسا تدعم شيرين: "أصعب حاجة في الدنيا أن أهلك يفضحو سرك"
حرصت الإعلامية رولا خرسا على دعم الفنانة شيرين عبدالوهاب بعد معاناتها الحالية وإحتجازها في أحد المستشفيات النفسية، وأشارت رولا إحتياج شيرين عبدالوهاب في الوقت الحالي للدعم النفسي بشكل كبير.
رولا خرسا تدعم شيرين: "أصعب حاجة في الدنيا أن أهلك يفضحو سرك"
ونشرت رولا خرسا بر صفحتها على موقع تبادل الصور والفيديوهات “إنستجرام” قائلا:" إللي بيحصل لشيرين عبد الوهاب ابتلاءً كبير اوي.. اصعب حاجة في الدنيا اما اهلك يطلعوا يفضحوا اسرارك علي الهواء حتى لو كان عشان حمايتك.. الي ربك ستره تفضحوه ليه؟ كان ممكن يستنجدوا باي حد كتيمي من غير ما يطلعوا في التلفزيونات يتكلموا".
وتابعت رولا خرسا : قلبي واجعني علي بناتها الي عايشين في الجو دا والي مهما كانوا شايفين الا اما الناس كلها تعرف حيتعرضوا في المدرسة ومن الي حواليهم لكلام قاسي وتنمر.. وشيرين نفسها حتي لو مدمنة فحقها عليهم انهم ياخدوها في حضنهم ويساعدوها مش ينشروا اخبارها حتي لو شايفين ان دا لمصلحتها".
واضافت رولا خرسا:"ربنا معاكي يا شيرين حتي لو الدنيا كلها سابتك.. مفيش انسان في الدنيا يستاهل انه مايلاقيش حد جنبه.. تاني بقول : مهما عمل.. ادعوا لها يا جماعة ان ربنا يشفيها ويفك كربها دا..شيرين محتاجة لدعم نفسي قوي جدا وتالت ورابع بقول: مهما عملت بلاش كل حد يطلع القاضي والجلاد الي جواه.. طلعوا بدالهم الانسانية والرحمة..والله كلنا علي الارض غلابة وعايشين بستر ربنا".
