السيسي: نتائج المؤتمر الاقتصادى دعائم وركائز لمسار الإصلاح

قال الرئيس عبد الفتاح السيسي، إن نتائج ومخرجات المؤتمر الاقتصادي تمثل الدعائم والركائز لمسار الإصلاح، زاللى هتبنوا عليه من المؤتمر ده هل يحقق النجاح من عدمه".

وأشار السيسي، خلال كلمته في المؤتمر الاقتصادي: "قولت لوزير الخارجية من 6 سنين من فضلك عاوزين نخفض العدد ونقلل المرتبات وبصلي كده وقالي فيه إيه يا فندم قولتله العدد والتكلفة كتير رغم أنه ما فيش أزمة وقتها بنتكلم عن حوكمة وهيكلة وإعادة تنظيم وخفض 30 % فقط وخفض مرتبات وما كنشي فيه أزمة، الإصلاح الإداري اللي هيقوم بيه الجهاز الإداري للدولة ومدي كفاءة هذا الجهاز الإداري.

 وأشار الرئيس السيسي، الي أهمية حقل ظهر، قائلًا: الفضل بتاع ربنا علينا.. لولا حقل ظهر كان زمان مصر مطفية، مفيش فلوس ندفع كل سنة 2 مليار دولار شهريًا من أجل تشغيل محطات الكهرباء، وده بالسعر القديم.

وعن دعم حقل ظهر لملف الكهرباء والطاقة في مصر، أضاف السيسي خلال كلمته في المؤتمر الاقتصادي مصر 2022: بالأسعار الحالية.. كنا هنحتاج 10 مليار دولار في الشهر بالسعر الجديد، أدفعهم للغاز لتشغيل محطات الكهرباء وتفضل منورة.. دول منين؟، 120 مليار دولار في السنة أجبهم منين؟، ولما جينا نعمل الترسيم الكل هاجمنا.