"شوية مرتزقة".. مرتضى منصور يفتح النار على جماهير الزمالك بسبب 4 لاعبين
شن مرتضى منصور، رئيس نادي الزمالك هجوماً عنيفاً على بعض جماهير الزمالك واصفاً إياهم بـ"المرتزقة"، وذلك بسبب هجومهم الدائم على بعض لاعبي الفريق في الفترة الأخيرة أبرزهم عمر جابر وزكريا الوردي.
"شوية مرتزقة".. مرتضى منصور يفتح النار على جماهير الزمالك بسبب 4 لاعبين
وقال مرتضى منصور في تصريحات لقناة "الزمالك"، "في شوية من جمهور الزمالك فضلوا يهاجموا محمود علاء لغاية ما الولد فقد الثقة في نفسه، محمود علاء كان تاني أفضل مدافع في تاريخ الزمالك بعد إبراهيم يوسف، وبعدين دخلوا على يوسف أوباما ودلوقتي داخلين على عمر جابر، أنتم عارفين عمر جابر ضحى بكام مليون علشان يرجع الزمالك؟.. عمر جابر تنازل عن 10 مليون جنيه وتقولي لا مش عاجبنا ده بيلعب ببطء".
وأضاف مرتضى منصور، "مش ممكن 1000 واحد يتحكموا في جماهير الزمالك اللي بالملايين، أنتم زملكاوية أنتم؟.. أنتم شوية مرتزقة".
واصل مرتضى منصور هجومه على بعض جماهير الزمالك قائلاً، "خليكم فى خيبتكم الاول، ومحدش يقولى انك بتنتقد الجماهير، كلامى واضح، بتكلم عن شوية العيال، اللى مستلمين لاعيبة الزمالك واخرهم زكريا الوردي اللي زي طارق حامد وفرجاني ساسي 100 مرة، دول مش عايزين يحافظوا على استقرار الفريق"، متابعاً، "بقول لـ يوسف أوباما، وعمر جابر، ومحمود علاء، متزعلوش جمهور الزمالك بيدعمكم".
الجدير بالذكر أن الزمالك سيواجه الأهلي في لقاء السوبر المصري والمقرر إقامته الجمعة القادمة على أرضية إستاد هزاع بن زايد بالإمارات.
