السيسي يوجه الحكومة بعدم تحميل المواطن أعباء إضافية خلال الفترة المقبلة

وجه الرئيس عبد الفتاح السيسي، الحكومة خلال كلمته بختام المؤتمر الاقتصادى – مصر 2022، قائلا: "أوجه الحكومة بالعمل على عدم تحميل المواطن لأعباء إضافية خلال الفترة المقبلة نظرا للظروف الاقتصادية العالمية، ومن ضمن المسار اللي قلنا هنمشي فيه قلنا هنعمل فرص عمل في كل حتة في الدنيا، تجتذب طبقات بسيطة ومحدودة، وشغالين في الكلام ده من 7 سنين، ومش أقل من 5 لـ6 مليون إنسان شغالين على الأراضي المصرية".

السيسي يوجه الحكومة بعدم تحميل المواطن أعباء إضافية خلال الفترة المقبلة

وتابع الرئيس السيسي: "الواقع الموجود في العالم تأثيره سلبي جدا على كل الدنيا، والشعوب بتعاني، وإحنا في مصر حالتنا مش هتتحمل ضغط أكتر من كده، بل بالعكس هتحتاج مننا نزود مظلتنا للحماية الاجتماعية في المرحلة الموجودين فيها حتى نخف على المواطنين تداعيات الأزمة دي، بذلك أوجه الحكومة بتعزيز مظلة الحكومة لتخفيف تداعيات الأزمة الاقتصادية العالمية على المواطنين، وتوفير أقصى درجات الدعم والمساندة للفئات الأكثر تأثرا".

وأضاف الرئيس السيسي خلال كلمة، "لو إديت 1000 أو 2000 جنيه زيادة للأسر الأكثر احتياجا، هو نمط استهلاكي، لكنني لم أحقق المصلحة ولم أفعل شيئًا، البلد تفضل زي ما هي ودفعت الفلوس، لكني أدفع الفلوس وأبني الواقع".

وتابع الرئيس السيسي: "مصر كلها لازم تبقى زي العاصمة الإدارية وحلمكم يبقى كده، لا تاكل ولا تنام ولا ترتاح.. 5 ملايين يعملون منذ 7 سنوات، والله والله مش قلقان خالص، شايف الناس بتاخد إيه وبتشتغل إزاي، كل سنة مليون بينزلوا سوق العمل، ولسة عندي فرص عمل تاني".