وفاء سالم: اتعملى حقن غلط في وشي و تعرضت لابتزاز من أطباء التجميل
كشفت الفنانة وفاء سالم تعرضها في الفترة الماضية لعمليات حقن وخيوط عند أطباء مشاهير وكبار، مشيرة أنها ذهبت أكثر من دكتور يعالج مشكلة الطبيب السابق، والتي أدى إلى تشوه وجهها.
وفاء سالم: إتعملى حقن غلط في وشي وتعرضت لإبتزاز من أطباء التجميل
وقالت وفاء سالم في مداخلة هاتفية مع الإعلامي عمرو أديب في برنامج "الحكاية":" تعرضت لحقن وخيوط عند دكاترة مشاهير كل مرة أروح لدكتور يعمل حقن على أساس أنه هيصلح العيب اللي حصل من الدكتور اللي قبلة، الأعمال الفنية اللي كنت بشترك فيها بتفرج على النتيجة ألاقي تشوهات في وشي والناس وأصدقائي مكسوفين يقولولي عندك خد غير الخد التاني وكان أدائي في الأعمال مضايقني إزاي أمثل وأنا في تشوهات في وشي".
تابعت:" وصلت لمرحلة أني مش عاوزة أروح لأي دكتور لأن كل مرة يقولولي مش هنقدر نتعامل مع الحالة دي لأن وصلت لحقن في مناطق أعصاب لغاية ما قابلت دكتور سمير غرابة وقالي إحنا محتاجين قبل العملية نعمل أشعة واكتشفنا وجود صديد واصل الشبكية والمخ، وربنا أنقذني وأنقذ حياتي".
وأضافت وفاء سالم:" الصديد من الحقن اللي كان بيتحقن لي زعما أنه هيصلح الحقن اللي قبله وكان بيبوظ وشي وخيوط كانت جوا وشي علشان تشد الوجه، وأنا كنت بتعرض لشكل من أشكال الإبتزاز، مشيرة إلى أنها الآن عادت إلى حد ما لشكلها الطبيعي قائلة" أنا مش عاوزة أي عمليات تجميل أنا عاوزة وفاء اللي الجمهور حبها".
