"انا فاشل في الإدارة".. علي الحجار يكشف سر رفضه دخول انتخابات نقابة الموسقيين
تحدث الفنان علي الحجار على استقالة الفنان هاني شاكر، من نقابة المهن الموسيقية خلال الفترة الماضية، وأشار علي الحجار أنه رفض تولي منصب نقيب المهن الموسيقية لعدم معرفته في الإدارة.
"انا فاشل في الإدارة".. علي الحجار يكشف سر رفضه دخول انتخابات نقابة الموسقيين
قال علي الحجار خلال استضافته ببرنامج" It's Showtime ": "كنت شايف إن هاني شاكر في المرحلة الأخيرة بدأ يفهم كواليس النقابة صح بالخبرة وبالسنين مسك عصاية الموضوع، واستقال هاني شاكر في توقيت مكنش المفروض يستقيل فيه".
وتابع: "النقابة اللي مسكها عبد الوهاب وأم كلثوم يليق عليها هاني شاكر، دول الأسماء اللي نفتخر بوجودهم كنقباء".
واضاف على الحجار عن عدم ترشحه للنقابة:" طلبو منى أكتر من مرة عشان أرشح نفسي ومنهم أستاذ أحمد رمضان سكرتير النقابة اللي هو بيمشي النقابة تقريبًا وحاول يقنعني، ورفضت؛ لأني مبعرفش أدير نفسي، هدير 12 ألف موسيقي ازاي؟".
وأوضح الحجار: " مبعرفش في الإدارة.. فـ ازاي هعرف مشكلة 12 ألف موسيقي في القرى والنجوع؟ مش هعرف وممكن أظلم وأنا مش حملها".
واختتم علي الحجار: "في حد بيبقى بيعرف يدير نفسه ويدير الناس وفنان برضه، لكن أنا أختار الأغنية مثلًا ومعرفش أسوقلها ومين يذيعها، وكل الكلام ده أنا فاشل فيه".
