مواطن يشتري أوردر بـ20 ألف جنيه من أمازون مصر ويفاجئ بـ"كراتين فاضية" عند الاستلام
استغاث مواطن من شركة أمازون مصر بعد النصب عليه فى 20 ألف جنيه قيمة مشتريات طلبها ووصلت إليه عبارة عن "كراتين فارغة".
وقال المواطن فى شكواه ،" اللي هتشوفوه في الفيديو دا مش هقدر اقول عليه اقل من أنه كارثه طلبت من امازون من يومين كذا قلايه كهربا بدون زيت كنت ف مشوار النهارده واخويا استلم الاوردر مكاني واتفاجئت انه بيقولي ف التلفون ياحمد الكراتين فاضيه.! قعدت دقيقه كدا مش مستوعب وقولتله ادي التلفون للمندوب كدا اداله التلفون وبسأله بقوله أ. انطونيو الكراتين بجد فاضيه.. قال يا أ.احمد من اول ما جهم يسلموني الشحنات في مركز التوزيع في بنها وانا بقولهم يجماعه الكراتين دي فاضيه مفيهاش حاجه واكيد فيها مشكله حتي خوفت اني اتضرر فيها بس هما اجبروني اجيبهالك.!قولتله طيب تمام افتحو كرتونه وانتم معايا ع التليفون كدا فتحو فعلاً لقو الكرتونه فاضية".
وقال صاحب المشكلة مع شركة أمازون مصر ،" طبعاً الاوردر اتدفع خلاص لان المندوب ضربه علي السيستم انه تم الاستلام وفي الحاله دي لو انا مستلمتش المندوب هو اللي هيشيل الليله وهو ملوش اي ذنب
الاوردر تمنه 20 الف جنيه ف قولتلهم طيب سيبولي الكراتين في الجراچ وانا لما اجي هشوف الموضوع دا.(ووالله العظيم لحد ما وصلت البيت كنت فاكرهم بيهزروا.!) وصلت البيت وشوفت المهزله اللي ف الفيديو دا.!كلمت امازون فوراً ردت عليا بنت قالتلي هنشوف المشكله والرد ف خلال 48 ساعه بعدها بنص ساعه لقيت ايميل مبعوتلي بيقولوا فيه أن هما فحصوا الحساب ولقو عليه كذا مرتجع واحنا مش هنقدر نعملك حاجه.!ببص علي مرتجعاتي لقيتني كنت مرجع جراب موبايل تمنه 100 ج من شهرين وهو دا المرتجع الوحيد اللي عندي.!".
