وفاء سالم تكشف معاناتها النفسية التي أدت للانتحار

كشفت الفنانة وفاء سالم عن مرورها بحالة نفسية سيئة عام 2019، التي وصلت لدرجة محاولة الانتحار، مشيرا إلى أن ابنها أنقذها لتجاوز ذلك.

وفاء سالم تكشف معاناتها النفسية التي أدت للانتحار 

وقالت وفاء سالم خلال استضافتها في برنامج "الستات": "كان عندي حالة اسمها بوردر لاين، وهو مرض له أعراض متشابكة، زي البكاء في أي لحظة ولأقل الأسباب، ورفض التعامل مع الناس ومن الصعب تحديد سببه".

وتابعت: "لما ابني أدهم قرر يستقل عني يمكن ده سببلي صدمة نفسية، وحسيت إني هكمل حياتي لوحدي لإني مش عايزة أرتبط، وبدأت الحالة تتصاعد".

وأوضحت وفاء سالم: "يوم الوقفة سنة 2019 كنت لوحدي في البيت في آخر دور في الفيلا، ويفصلني عن الدورين السفليين أبواب حديد لإني كنت فاهمة ده أمان، ولقيت الهلاوس عليت في دماغي، وبقيت رافضة كل حاجة بتحصل حواليا، ومش قادرة أتحكم في تصرفاتي، وعندي نوبات هلع، فوصلت لمرحلة يا رب عايزة أموت، وفي اليوم ده حاولت أنتحر".

وروت وفاء سالم تفاصيل تدخل ابنها لإنقاذها في اللحظة الأخيرة قائلة: "لقيت صوت من بعيد بيقول يا ماما، وكان أدهم مش قادر يطلعلي وعايز يكلم المطافي، لإن صحابي كلموه بعد ما قفلت موبايلي".

واستمرت: "طفيت التليفزيون وقعدت أستغفر وأصلي على النبي، ونزلت بنفسي في حالة غياب عن الوعي، فتحت البوابات ودخلت ابني، وأخذني في حضنه ودخلني العربية وأخذني على المستشفى".

وأختتمت وفاء سالم: "قعدت في العناية المركزة، والدكتورة قالت إني مش لازم أرجع نفس المكان، وفضلت في المستشفى شهرين".