سيدة تعرض ابنها للبيع.. ورواد السوشيال ميديا يطالبون النيابة العامة بالتدخل لحماية الطفل

نشرت صفحة أطفال مفقودة استغاثة للنيابة العامة ، والجهات المعنية بعد تداول صورة لسيدة تعرض ابنها للبيع فى مصر الجديدة.

سيدة تبيع إبنها في الشارع

وقالت الصفحة ،" واقفه تبيع إبنها في الشارع ...هذه السيده واقفه عند الميريلاند في مصرالجديدة بتقول للعربيات اللي رايحه و جايه انا ببيع ابني مفيش حد يشتريه ووقف الناس في الشارع و تعاطفوا مع للطفل اللي واقف بلا حول ولا قوه تجره يمين و شمال و سامع الست وهي بتبيع و تشتري فيه قدام الدنيا كلها .. قالوا لها ميصحش كده حرام نفسية الطفل وقفت تزعق وسط الشارع و تقول محدش له دعوه !".

وتابعت الصفحة،"نزلنا النهارده ندور عليها في المكان اللي تم تصويرها فيه لكن للأسف مكانتش موجوده، و لما سألنا الناس اللي في المنطقه قالوا لنا أن الست دي موجوده هنا من 3  سنين تقريبا و كان معاها طفل رضيع قبل الطفل ده بتتسول بيه ... و فجأه الطفل مبقاش معاها ... و قالوا كمان ان الطفل اللي معاها ده اسمه محمد و الناس بتقول لها ام محمد و بتنام عند الميريلاند كل أسبوع 3 او 4 ايام و بتمشي و محدش يعرف هي اصلا منين”.