علي الحجار: ويجز عالمي وصوته لايق على شغله
كشف الفنان علي الحجار عن رأيه في مطرب الراب ويجز، بعد تعرض حفله لأزمة بمركز المنارة بالتجمع الخامس، والذي شهد حضور أكثر من 40 ألف شخص.
علي الحجار: ويجز عالمي وصوته لايق على شغله
وقال علي الحجار خلال حواره مع الإعلامي عمرو أديب ببرنامج "الحكاية" : "أنا كبير في السن، ومتربي على عبد الوهاب وأم كلثوم، لكن مش لازم أرفض إلا لو كان صوته وحش".
وردا علي الحجار على سؤال ويجز صوته حلو؟ قال: "صوته لايق طبعا على شغله، وهو عالمي وبيعمل ملايين المشاهدات، وهتلاقي ابنك أو بنتك حافظين كلامه".
تابع علي الحجار: "صوته لايق على اللي بيقوله، لكن إديله أغنية عارفة مثلا، أو أي أغنية فيها لحن عادي متعودين عليه للموجي أو عبد الحليم، هنا المحك".
وأضاف علي الحجار:"لذلك في النقابة المفروض قبل اعتماد مؤدي في شعبة الأداء الصوتي لازم يمتحته ويشوف هيعرف يغني، وبرا في العالم بيغنوا كويس، والمؤدي بيلعب جيتار وبيانو والموسيقى جواه".
