الكرتونة بايشة وريحتها وحشة.. مواطن يشكو استهتار شركة أمازون مصر

عرض مواطن تجربته السيئة مع شركة أمازون مصر ، بعدما وصله الطلب الخاص به متهالك .

وقال صاحب الشكوي ،" Amazon.eg الواحد حرفياً مبقاش فاهم  امازون مصر من سيىء لأسوإ ، ازاى مفيش ضمير بالشكل ده ، كم من الاستهتار والاستخفاف وصل لأبعد الحدود، فين إدارة الجودة بتاعتهم أما منتج يخرج من عندهم الكرتونة بايشة وريحتها بشعة وجاية فى كيس تراش".

وعرض مواطن آخر مشكلته واتهم أمازون مصر ببيع منتجات ليست أصلية، قائلا" تحذير للناس اللي بتشتري من أمازون حصلت مشكلة كبيره معايا وتهديدات  في يوم 31 اكتوبر طلبت منتج "سامسونج S22 الترا" ودفعت بالفيزا، فتحته في البيت... للأسف علشان أتصدم وألاقيه هاي كوبي مش اصلي.  حابب أوضّح مشاكل خدمة عملاء "أمازون مصر" اللي قابلتها حتى الآن وخلتني أشوفهم أسوأ خدمة عملاء:
 تأخير في التعامل مع المشكله.

 كل ما تحاول تتواصل معاهم يكلمك شخص جديد" بطبيعة نظام نوبات العمل"، وتقعد تعيد وتزيد وتوضح المشكلة من جديد.

وتابع" ده بالإضافة للتأخير في التعامل مع المشكلة، يقولك انتظر يومين، يعدي اليومين، تتواصل تاني، يقولك انتظر يومين كمان، وهكذا، يضيع أسبوع ورا التاني في حل المشكلة كدبة كبيرة إنهم يقولوا على نفسهم "الشركة الأكثر اهتماماً بخدمة العملاء" وفي حد كلمني واتس من رقم امريكي وهددني وبيقولي خد الفون هيرجعلك من الشركه وهو ميفرقش حاجه عن الاصلي احسن ماتاخدش لا فون ولا فلوس وانت مش هتعرف تثبت أن اللي واصلك هاي كوبي وبطل تعمل شكاوي وتحقيقات .. أنا هفضل وراهم لحد ما أرجع حقي إن شاء الله؛ لكن بشارك معاكم التجربة المريرة دي عشان محدش يقع فيها.