"لقينا ديل القطة مرمي".. إيناس عز الدين تروي تفاصيل مرعبة في شقتها القديمة
روت المطربة إيناس عز الدين، تفاصيل مرعبة مرت بها أثناء تواجدها في شقتها القديمة، مضيفة إلى أنها لا تصدق ما يحدث معها أثناء إقامتها فيها وذلك خلال بوست عبر حسابها الشخصي بموقع التواصل الاجتماعي "فيسبوك".
"لقينا ديل القطة مرمي".. إيناس عز الدين تروي تفاصيل مرعبة في شقتها القديمة
وكتبت إيناس عز الدين قائلة: “مش عارفة مش مصدقة وحاسة إني بحلم بس ده حصل ، بجد أنا نقلت السكن وخرجت أخيرًا من الشقة المشئومة، هلى خير مش قادرة أحكي آخر شهر حصلي إيه فيها ،من ساعة ما أجرت الشقة الجديدة وقررت إني أنقل ،وكأن اللي في الشقة قرروا يوروني أنا وأحمد الوش الوحش،وحرفيًا اللي حصل عايز مجلدات وحلقات علشان يتحكي فيها ،من صعوبته خرجت منها أنا وجوزي وكلبتي الجريفون الصغونة وجزء من قطتي”.
وتابعت:" قطتي ماتت بطرق بشعة ومخيفة ومرعبة ،اللي صحينا لقيناها متجمدة ومتلجة كأنها كانت محطوطة في فريزر،على وضع نومتها زي ما هي والتانية رجعنا من بره لقينا ديلها فقط مرمي على جنب، والدم مغرق الشقة ومالقيناش باقي جسمها ولا حتى عضم ولا أي أثر، والتالتة كنت بلاعبها وشايلاها سيبتها ودخلت الحمام دقيقتين وطلعت لقيتها غرقانة في طبق المية بتاعهم ،إزاي ما أعرفش وكأنها متغرقة من مدة وقربت تتحلل، رغم أنها من دقيقتين بعد ما كانت في حضني".
واستكملت إيناس عز الدين :" ده غير شرز النار اللي كان بيطلع من فيش الكهرباء، ولا إزاز العفش والمرايات كلها والنيش اللي إتكسروا إتدشدشوا، وصوت الست اللي ليل نهار تصوت في الشقة والله العظيم أنا وأحمد عشنا شهر رعب".
ومشيرة :" يعني السنة وشهرين اللي قعدناهم في الشقة دي بكل اللي شوفناه فيها في كفة واللي شوفناه آخر شهر في كفة تانية، وختمت بالمليون إن العتب أقدام وإن فيه ما ورائيات كتير"
وانتهت إيناس عز الدين حديثها قائلة:" طول عمري بستهزأ بالكلام ده لحد ما شوفته وعيشته بنفسي.. دعواتكم ربنا يجعل قدم الشقة الجديدة خير".
