وكيلة التمريض بمستشفى قويسنا المركزي: "لا للإهانة واللي حصل كارثه وحقنا هناخده".. فيديو
أكدت ميس "ميرفت"، وكيلة التمريض بمستشفى قويسنا المركزي بمحافظة المنوفية، أن مهنة التمريض مهنة يتحكم فيها العقل والعاطفة والعلم، والممرضات يتحلين بضبط النفس ويتعاملن مع المرضى بعاطفتهم، وما تعرضن له واقعة بشعة ولم أصدقها حتى الآن: " متوقعتش إن في راجل يتعامل كدة مع بنات او ستات، أي كان اللي حصل، دول ملائكة الرحمة، ومينفعش يهين سيدات مصر كدة".
وقالت في بث مباشر مع " مصر تايمز"، نحن في دولة قانون: " كنت خد حقك لو غلطنا بالقانون، إحنا في دولة قانون مش في غابة، ولازم تقدر المكان اللي أنت داخله، دي مستشفى، ودول ناش شغالة بتخدم المرضى، وحاولوا يتفاوضوا معانا، لكن إحنا رافضين أي تفاوض، إحنا عاوزين رد كرامتنا بالقانون".
وتابعت وكيلة تمريض مستشفى قويسنا المركزي: "مدير المستشفى كان معانا قلبا وقالبا، وقال حقكم هيرجع بالتفاوض والقانون، إحنا كمستشفى عملنا تقارير واتهذنا إجراءات قانونية، والفيديو المتداول ليه بداية ونهاية، لكت ما تم نشره مجتزأ، ووعدنا باتخاذ كافة الإجراءات القانونية".
واستكملت: "الموضوع انتشر بوقت قياسي، بس الحمدلله الناس كلها شافت قد إيه تم الاعتداء بوحشية علينا، واللي حصل كارثة وحقنا هناخده زي ما وعدنا الوزير".
يذكر أنه فور حدوث الواقعة، أصدر وزير الصحة والسكان، الدكتور خالد عبدالغفار، تعليماته لوكيل الوزارة في محافظة المنوفية، بالتوجه إلى المستشفى، وإعداد تقرير تفصيلي عن الواقعة، وأسبابها وملابساتها، وما لحق بأعضاء هيئة التمريض من إصابات، وحصر تلفيات المستشفى واتخاذ الإجراءات القانونية في هذا الشأن.
