سهير جودة: المجتمع ينظر للمطلقة بعين واحدة

قالت الإعلامية سهير جودة، إن المجتمع اتخذ موقف من الستات مقدما، هي في مرمى الاتهام طوال الوقت، مشيرة: "لو احنا بنبص نظرة سريعة كدة على موقف المجتمع هنلاقي إدانة وظلم شديد جدا، بتبتدي أنتي متجوزتيش ليه أصلا، وفي ناس لسة بتسأل هذا السؤال".

وأضافت سهير في تصريحات تليفزيونية، قائلة:"ممكن يبقى في شخصين كويسين جدا لكن لما يبقوا مع بعض يكونوا مش كويسن وده أمر طبيعي جدا،  يعني ده بيكون تآلف أرواح، ومش معنى أن في واحدة اتطلقت ده معناه أن عندها عيب أو مشكلة، واللي بتنفصل بعد 20 سنة معاناة مثلا، تبقى هي ست خربت بيتها ومعرفتش تحافظ على بيتها".

وتابعت: "لو في ست مطلقة الناس بتقول عليها انها مش سعيدة، وهي مش عايزة السعادة، ومحدش يقولها حاجة ونبتدي نحط المطلقة في اطار محدود  ونبصلها بمليون علامة استفهام وتعجب وكأننا بنشوف بعين واحدة بس.. الفلسفة دي تعبر عن  مجتمع يرى بعين واحدة فقط او بلا بصيرة".